काठमाडौं- भारत-पाकिस्तान युद्ध विषयमा छलफल थाल्न सरकारसँग कांग्रेस सांसदले माग गरेका छन् ।
नेपाली कांग्रेसका सांसद सञ्जय गौतमले भारत र पाकिस्तानबीच युद्ध सुरु हुँदा भूराजनीतिक संवेदनशीलता र खुला सीमानाको कारणले नेपाल जोखिममा रहेको बताएका छन्।
प्रतिनिधि सभाको बैठकमा बोल्दै दुई देशबीचको युद्धले नेपाललाई पार्नसक्ने अल्पकालीन र दीर्घकालीन प्रभावबारे सरकारले बेलैमा सोच्नुपर्ने बताए।
उनले भने, ‘यो विषयमा सरकारले समयमै छलफल अघि बढाओस्। छिमेकी समकक्षीसँग हाम्रा प्रधानमन्त्रीको कुरा भएको भन्ने आएको छ। यस बिषयमा गम्भीर हुन आवश्यक छ।’
भारतले आज पाकिस्तानी भूभागमा मिसाइल आक्रमण गरेपछि दुई देशबीचको युद्ध सुरु भएको छ।
