मुगु - मुगु जिल्ला सोरुगाँउपालिका वडा नम्बर ६ सोरुकोटका मुनदेबी कुमालले बेमौसमी तरकारी लगाएकी छन् । उनी तरकारीको रेखदेखमा नै व्यस्त देखिन्छन्। प्लास्टिक हाउस (टनेल) भित्र बेमौसमी भाजी साग,रायो,पालङ्गो साग खेती लगाउन उनी बिहानै देखि तल्लिन हुन्छन् ।
बिगतका बर्षहरुमा कार्तिक ,मंशिर महिनामा हरीयो सागको नाममा बारीको डिल भिट पाखा पखेरामा सिनु मात्र देख्र्ने गरेकी छिन् । पछिल्लो समयमा सोरुगाँउपालिका ,यूनाईटेड टु नेपाल मुगु क्लष्टरको आर्थिक सहयोग र ग्रामीण सामुदायिक सस्थाको प्राबिधीक सहयोगमा सोरुगाँउपालिकामा रहेका १ देखी ११ वडामा रहेका कृषकहरुलाई बेमौसमितरकारी खेती बारे तालिम गोष्ठी,सेमिनार,अनुदानमा तरकारीको बिउ ,ग्रिन हाउस(प्लाष्टिक हाँउस भित्र तरकारी लगाउन सिकाए पछि मुनदेबी लगाएत अन्य कृषकले हिजो आज तरकारी खेती गर्दै आइरहेका छन्।
पछिल्लो समय सोरुगाँउपालिकाका कृषकहरु बेमौसमी तरकारी खेतीतर्फ आकर्षित छन्। तरकारीको भाउ पाउने ग्रिन हाउसमा आएर प्रति मुठा सागको १० देखी २० रुपैँया मूल्य पाउदा घरमा बिहान बेलुका हरियो तरकारी समेत खान पाउँदा तरकारी तर्फ आकर्षित भएको उनले बताएकी छन् । उनले भनिन् ,' बजारको पनि समस्या छैन, घरधन्दा बाल बच्चलाई लुगा कपडा कापी कलम यसरी नै धानेको छु’। उनले टनेल घरमा गोलभिडा,फ्रर्सी,रायो,सुईसाग फर्सी, लगायतका तरकारी लगाएका छन्।
यी मुन देबी मात्र होईन सोरु गाँउपालिका कच्र्चे,सिप,तारापानि ,जिमा बस्तीमा,धैन,आसीधारा,बस्तीहरुमा ६देखी १० जना कृषकहरुले बेमौसमी तरकारी खेती गदै आइरहेका छन् । पहिले आफ्नै शैलीमा सिजन अनुसारको तरकारी लगाउने गरेका थिए । तरकारी फल्ने समयमा भाउ नपाउनाले घरमै कुहिएर जाने गर्थ्याे। आम्दानी पनि त्यति नहुने र सिचाईपानीको समस्या भएपछि तरकारी खेती नै नगरेको अहिले सोरु गाँउपालिका ,यूनाईटेड टु नेपाल मुगु क्लष्टरको आर्थिक सहयोग र ग्रामीण सामुदायिक संस्थाको प्राविधिक सहयोगमा निशुल्क तालिम लिएर तरकारी बिउँ,ग्रिनहाउँसको लागी पाल पाए पछि तरकारी खेति गर्दा राम्रो अाम्दानि भएको आसिधारा गाँउका प्रोम बहादुर रोकायाले बताएका छन् ।
पानि नहुँदा आकासे पानी ,जुठानको पानी पनि संकलन गरेर राख्ने गरेका छन् । तरकारी खेतीबाट वर्षमा मासिक १५,२० हजार सम्म आम्दानी लिने गरेको किसानहरू बताउँछन् । जीवनस्तरमा पनि धेरै परिवर्तन आएको कृषक गगन भामको भनाई छ ।
यहाँका किसान पछिल्लो समय बेमौ समी तरकारी खेतीतर्फ आकर्षित भएका छन् । आर्थिक अवस्था कमजोर भएकाहरू पनि तरकारी खेती गरेर आत्मनिर्भर हुँदै आइरहेका छन् । काठका टहरामा प्लास्टिक लगाएर टर्नेल बनाई बाह्रै महिना तरकारी खेती गर्न सकिने किसानको भनाई छ । तरकारी उत्पादनमा सहजताका लागि पनि,यूनाईटेड टु नेपाल मुगु क्लष्टरको आर्थिक सहयोग र ग्रामीण सामुदायिक सस्थाको प्राबिधीक सहयोगमा अुनदानमा बीउ,प्लास्टीक (ग्रीनहाँउस ) तालिम प्रदान गर्दै आइरहेका छन् । बेलाबेलामा अनुुगमन गर्ने गरेको ,यूनाईटेड टु नेपाल मुगु क्लष्टर मुगुका प्रमुख नेत्र बहादुर शाहीले बताएका छन् ।
विशेष गरी सस्थाको कार्यक्षेत्र अन्तरगत समुदायमा गठन गरिएको समुहबाट छनाैट परेका गरिब,अपांगता ,एकल महिला,पिछडिएका वर्षहरुको आय आजन गर्नको लागी बिगत लामो समय देखी शिक्षा,स्वास्थ्य रोजगा,आय आजनको लागी बिभिन्न तालिम गोष्टी लगाएतका बिचिन्न क्षेत्रमा शिक्षा दिदै आएका छौं । यो वर्ष मात्र सोरु गाँउपालिका भित्र रहेका विभिन्न बर्ग क्षेत्रका नागरीकाहरुलाइ आर्य आजनको लागी ६८ जना कृषकहरुलाई ग्रिनहााउस (प्लाष्टीक टर्नेल घर),४६ घर धुरीलाई धुवा रहितको चुलो, १२ जनालाई बाख्रा पालनमा सहयोग,सिलाई कटाई,खुद्रा पसल, हाँस पालनमा सहयोग गरेको ग्रामीण सामुदायिक सस्थाका प्रमुख बासु सावलले बताएका छन् ।
