मुगु - रारा विमानस्थल तीन दिनदेखि उडान ठप्प भएकाे छ । खराब मौसमका कारण रारा ताल्चा विमान स्थलमा तीन दिनदेखि यता उडान हुन नसकेको रारा नागरिक उड्डयन कार्यालय मुगुले जनाएको हो ।
तीन दिन देखि उडान नभएपछि नेपालगन्ज भएर मुगु आउने यात्रु र रारा विमान स्थलबाट नेपालगन्ज ,सुर्खेत ,काठमाडौ जाने यात्रुहरु अलपत्र परेका छन् । शुक्रबार नेपालगन्जबाट समिट एअरले यात्रु लिएर मुगुका लागि उडे पनि जुम्ला जिल्लाको सिन्जा क्षेत्रमा पुगेपछि खराब मौसम भएको भन्दै १० मिनेट नजिक रहेको रारा विमान स्थलमा अवतरण नगरी पुनः नेपालगन्ज विमान स्थल फर्किएको थियो ।
मौसममा सुधार भएपनि शनिबार उडान भर्न सकेन । आइतबार मौसम खुलेपछि समिट एअरले पहिलो फलाइट हुम्ला दोर्सो जुम्ला गर्याे । तर तेर्सो फलाइटमा राखिएको मुगुको उडान भर्ने समयसम्म आउँदा पुन मौसम खराब भएपछि समिटले एअरले आइतबारको आफ्नो रारा विमान स्थलको उडान स्थगित गरेको थियो ।
रारामा नियमित उडान भन्ने तीन निजी एअरलायन्सहरु मध्य तारा एअर मर्मत सम्भारको लागि काठमाडौं र सिता एअरको आफ्नै प्रशासनिक कामले मुगु उडान नगरेपछि समिट एअरले मात्र उडान भर्दै आएको थियो । सीता एअर मुगुका स्टेसन प्रमुख धिरेन्द्र भाम आफ्नो एअरलायन्सले पनि मौसमले साथ दिए सम्भवत सोमबारबाट रारा विमान स्थलमा नियमित उडान गर्ने बताएका छन् । रारा आफुहरुले नियमित उडान गर्दै आएपनी तीन दिन यता मौसमले साथ नदिँदा उडान प्रभावित भएको समिट एअरका नेपालगन्ज स्टेसन प्रमुख वसन्त मल्लले बताए । उनले भने, ‘मुगु जाने र मुगु बाट नेपालगन्ज आउने यात्रुलाई सेवा दिन कै लागि शुक्रबार यात्रु लिएर जहाज मुगुतर्फ उडेको थियो तर विच बाटोमा मौसम विग्रदा जहाज फर्कनु पर्ने बाध्यता सिर्जना भएको हाे ।'
यात्रुहरु आज नभए भोलि उडान होला भन्दै होटेलमा बास बस्दा खर्च बढ्दै गएको र पैसा पनि सकिएको उनीहरुले गुनासाे गरेका छन् । रारा विमान स्थलमा उडान नहुदा मुख्य गरि वर्षे विदामा घर गएका शिक्षकहरु ,बिरामी ,बुढाबुढि,प्रदेश कार्यालयमा समिक्षा गाेष्टिमा गर्न गएका कर्मचारीहरु प्रभावित भएका छन् ।
कर्णाली राजमार्ग सडकबाट यात्रा गर्दा ठाउँ ठाउँमा सडक बन्द हुदा थप यात्रुहरुले दुख पाउने गरेका जिल्ला आयुबेद कार्यालय मुगुका प्रमुख लक्ष्मि प्रसदा पाण्डेले बताएका छन् ।
