काठमाडाैं - दादुरा-रुबेला खोप अभियान सुरु हुँदैछ । संक्रामक र प्राणघातक रोग दादुरा-रुबेलाकाे लागि राष्ट्रिय स्वास्थ्य शिक्षा, सूचना तथा सञ्चार केन्द्रले खोप अभियान फाल्गुन १३ देखि चैत्र ७ गतेसम्म हुने जानकारी दिएकाे हाे ।
दादुरा, रुबेला अतिनै संक्रामक र प्राणघातक रोगहरु हुन् । यसबाट बालबालिकाको मृत्यु समेत हुन सक्छ । त्यसैले आफ्ना बालबालिकालाई दादुरा रुबेला खोप लगाएर यी रोगहरु लाग्नबाट बचाउन केन्द्रले आह्वान गरेकाे छ ।
यस अभियानमा ५ वर्ष मुनिका बालबालिकालाई छुट नियमित खोप पनि दिने भएकाे छ । त्यसैले नियमित खोप छुटेको भए खोप केन्द्रमा जाँदा नियमित खोप कार्ड पनि लिएर जान केन्द्रले सुझाव दिएकाे छ
आफ्नो गाउँ-टोलमा सञ्चालन हुने खोप केन्द्रको नाम र सञ्चालन हुने मिति र उमेर समूहबारे थाहा पाउन महिला सामुदायिक स्वास्थ्य स्वयंसेविका वा नजिकैको स्वास्थ्य संस्था वा वडा कार्यालयमा सम्पर्क गर्न आग्रह गरेकाे छ । खोप अभियान सम्बन्धि थप जानकारीका लागि पैसा नलाग्ने नं १११५ मा सम्पर्क गर्न केन्द्रले जनाएकाे छ ।
