काठमाडाैं - ब्रिजिङ बोर्डर्स इन मेडिकल एक्सिलेन्स नाराका साथमा हिमालयन इन्टरनेशनल भास्कुलर समिट २०२४ हुने भएकाे छ । धमनी शल्यचिकित्सासम्बन्धी बहुप्रतिक्षित हिमालयन अन्तर्राष्ट्रिय भास्कुलर समिट-२०२४ यही जनवरी १७ देखि १९ सम्म ललितपुरको प्रतिष्ठित होटल हिमालयमा हुने भएको हाे ।
यस ऐतिहासिक सम्मेलनलाई इभेन्ट म्यानेजमेन्ट कम्पनी इभेन्टिक नेपाललाई आयोजना गर्न जिम्मा दिइएको छ । भास्कुलर मेडिसिनको ज्ञान र अनुभवहरू आदानप्रदान गर्न लगभग दुई सय ५० जना सहभागीहरु विभिन्न क्षेत्रबाट उपस्थित हुने अपेक्षा गरिएको आयाेजककाे रहेकाे छ । भास्कुलर मेडिसिनमा ज्ञान र अनुभवहरू आदानप्रदान गर्न अधिकांश सहभागीहरू विदेशबाट आउने आयाेजकले एक प्रेस मिटमा जनाएकाे हाे।
आयाेजकका अनुसार यस सम्मेलनमा विश्वभरका १०० भन्दा बढी प्रतिष्ठित वक्ताहरू प्रस्तुत हुनेछन्। प्रत्येकले यस भेलामा आफ्नो विशेषज्ञता प्रभावशाली रुपमा प्रस्तुत गरी योगदान गर्ने आयाेजकले बताएकाे छ । सहभागीहरूले अत्याधुनिक अनुसन्धानदेखि अभिनव क्लिनिकल अभ्यासहरू सम्मका छलफलहरूका साथ अनुभवहरु सुनाइने छ ।
शिखर सम्मेलनको एक उल्लेखनीय विशेषता भनेको नेपाली डाक्टरहरूको सक्रिय सहभागिता गराउनु रहेकाे बताइएकाे छ । जसले अन्तर्राष्ट्रिय विज्ञहरू र स्थानीय चिकित्सा समुदायबीच विचार र अन्तरदृष्टि आदानप्रदान हुने अपेक्षा राखिएकाे छ । याे सम्मेलनपश्चात आयाेजकले विभिन्न बेल्थकेयर सेटिङहरूमा भास्कुलर मेडिसिनको समग्र बुझाइ र अनुप्रयोगलाई बढावा दिने लक्ष्य राखेकाे छ ।
प्रमाणित निर्बाध घटनाहरूकाे कार्यान्वयन भएका रिपाेर्टहरुका आधार र व्यवस्थित कार्यक्रम नै यस सम्मेलनकाे आकर्षण भएकाे र अपेक्षित सहभागीता भई अन्तरक्रिया हुने आशा गरेकाे इभेन्ट म्यानेजर अध्यक्ष पेशल भट्टराईले बताएका छन् ।
हिमालयन इन्टरनेशनल भास्कुलर समिट २०२४ को आयोजक अध्यक्ष डा सन्दीपराज पाण्डेले भने, "हिमालयको मुटुमा यस्तो प्रतिष्ठित भेला आयोजना गर्न पाउँदा हामी उत्साहित छौं" । " भ्यास्कुलर मेडिसिनलाई नयाँ उचाइमा पुर्याउने भौगोलिक सीमानाहरू, जडान र सहकार्यलाई बढावा दिने उद्देश्य रहेको छ। उनले भने।"
हिमालयन इन्टरनेशनल भास्कुलर समिट २०२४ ले विश्वलाई भास्कुलर हेरचाहलाई कसरी अगाडि बढाउने र दिगो रुपमा यससम्बन्धी चेतना सिर्जना गर्न बाटाे खुलाउन सहायता गर्ने बुझाई आयाेजककाे छ ।
