काठमाडौं– नेपाली कांग्रेस सिन्धुपाल्चोकले काठमाडौंको चाबहिलमा आफ्नो सम्पर्क कार्यालय स्थापना गरेको छ । सोमबार बिहान कांग्रेसका पूर्व केन्द्रीय सदस्य विष्णुविक्रम थापाले कार्यालयको उद्घाटन गरेका हुन् ।
सिन्धुपाल्चोक कांग्रेस कार्यकर्ताको गुनासो र सुझाव सुन्ने र राजनीतिक गतिविधिलाई तीब्र बनाउन कार्यालय स्थापना गरिएको जिल्ला सभापति जंगबहादुर लामाले बताए । कार्यालयबाट दैनिक रुपमा कार्यकर्ताका गुनासोको सम्बोधन गरिने लामाले जनाए ।