बागलुङ- धम्जामा जीप दुर्घटनामा एक जनाको मृत्यु भएको छ भने दुई घाइते भएका छन् ।
काठेखोला गाउँपालिका–३ धम्जाको रामचालुमा शनिबार राति जीप दुर्घटना हुँदा एक जनाको मृत्यु भएको छ भने दुई घाइते भएका हुन् ।
जिल्ला सदरमुकाम बागलुङ बजारबाट धम्जातर्फ जाँदै गरेको ध१ज ७१९० नम्बरको जीप दुर्घटना हुँदा धम्जाका १८ वर्षीय विजय विकको मृत्यु भएको प्रहरीले जनाएको छ ।
विकको घटनास्थलमै मृत्यु भएको प्रहरीको भनाइ छ ।घाइते दुई जनालाई उपचारका लागि बागलुङ सदरमुकाम ल्याइएको सूचना अधिकारी केसीले जानकारी दिए।
जीप करिब सडकबाट ५० मिटर तल खसेको बताइएको छ ।
प्रकाशित मिति: आइतबार, असार १०, २०८० ०७:०१
