काठमाडौं– गोरखा, बारपाक सुलिकोट गाउँपालिका– ४ टुकराङ बस्ने ५३ वर्षीय शेर बहादुर बरामको घरमा सोमबार दिउँसो आगलागी हुँदा घर, घरमा रहेको सुनचाँदी, नगद समेत गरी करिब १८ लाख ५० हजार रूपैयाँ बराबरको धनमाल जलेर नष्ट भएको छ ।
रौतहट, चन्द्रपुर नगरपालिका–३ भलाईडाँडास्थित कालापानी सामुदायिक वनमा लागेको आगो फैलिएर सोही ठाउँ बस्ने केदार लोप्चनको गोठघरमा सोमबार दिउँसो आगलागी हुँदा गोठघर पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।
सप्तरी, रुपनी गाउँपालिका–२ पिपराही बस्ने राम नारायण साहको कच्ची घरमा करेन्ट सर्ट भई सोमबार राति आगलागी हुँदा उक्त आगो फैलिएर उनकै भाइ शिव नारायण सिंहको कच्ची घरमा समेत आगलागी हुँदा दुवै जनाको घर पूर्णरूपमा जलेर करिब १० लाख रूपैयाँ बराबरको धनमाल नष्ट भएको छ ।
यसैगरी सप्तरी, महदेबा गाउँपालिका–२ बस्ने जय कुमार पौकराको घरमा करेन्ट सर्ट भई सोमबार दिउँसो आगलागी हुँदा उक्त आगो फैलिएर सोही ठाउँ बस्ने सुरेश ईसरको घरमासमेत आगलागी हुँदा दुवै जनाको घर जलेर करिब ५ लाख रूपैयाँ बराबरको धनमाल नष्ट भएको छ ।
ईलाम, माङसेबुङ गाउँपालिका–२ बरबोटे टोल बस्ने ४८ वर्षीय होम बहादुर अधिकारीको घरमा करेन्ट सर्ट भई सोमबार दिउँसो आगलागी हुँदा घर पूर्णरूपमा जलेर करिब ७ लाख ४३ हजार रूपैयाँ बराबारको धनमाल नष्ट भएको छ ।
उदयपुर, उदयपपुरगढी गाउँपालिका–७ नाङराङेस्थित तिल्केनि सामुदायिक जङ्गलमा लागेको आगो फैलिएर सोही ठाउँ बस्ने फुलसरी राईको घरमा सोमबार राति आगलागी हुँदा घर, लत्ताकपडा, अन्नपात, चौपाय गरी करिब ६ लाख रूपैयाँ बराबरको धनमाल जलेर नष्ट भएको छ ।
पाँचथर, तुम्बेवा गाउँपालिका(५ हाङगुम खोपस्थित तिल्केनी सामुदायिक वनमा लागेको आगो फैलिएर सोही ठाउँ बस्ने दिल बहादुर तामाङको खाली घर र मदन तामाङको गाईगोठमा समेत सोमबार दिउँसो आगलागी हुँदा दुवै जनाको गरी करिब ३ लाख ७० हजार रूपैयाँ बराबरको धनमाल जलेर नष्ट भएको छ ।
यसैगरी पाँचथर, तुम्बेवा गाउँपालिका–२ चुहाडेस्थित देउराली सामुदायिक वनमा लागेको आगो फैलिएर सोही ठाउँ बस्ने सुद्यदिल राई घर तथा गोठ, डम्बर बरुवालको घर तथा गोठ एवम् मान बहादुर कार्की र धन बहादुर मगरको गोठमासमेत सोमबार दिउँसो आगलागी हुँदा करिब ३ लाख २५ हजार रूपैयाँ बराबरको धनमाल जलेर नष्ट भएको छ ।
ललितपुर, गोदावरी नगरपालिका–९ छम्पीस्थित महाङकाल गाउँपालिका–५ चन्दनपुर बस्ने गजेन्द्र लामाको काठ गोदाममा करेन्ट सर्ट भई सोमबार राति आगलागी भएको छ । आगलागीबाट भएको क्षतिको विवरण हाल खुलेको छैन ।
प्रहरीले स्थानीय बासिन्दा तथा दमकलको सहयोगमा आगलागी नियन्त्रणमा लिनुका साथै यस सम्बन्धमा आवश्यक अनुसन्धान गरिरहेको छ ।
प्रकाशित मिति: मंगलबार, चैत २८, २०७९ ११:१८
