काठमाडौं - नयाँ वर्षको दिन टुँडिखेलमा कुटुम्बले कन्सर्ट गर्ने भएकाे छ । नेपाली संगीतप्रेमीहरुको माझ स्थापित कुटुम्ब ब्याण्डले नयाँ वर्ष २०८० को दिन अर्थात वैशाख १ गते काठाडौंको टुँडिखेलमा आफ्नो कोसेली पस्किने तयारी गरेको हाे ।
समय र परिस्थिति अनुसारको गीत संगीत प्रस्तुत गरिरहने कुटुम्ब सबैको रुचीको ब्याण्ड हो । देश तथा विदेशमा समेत यो ब्याण्डलाई नरुचाउने कमै होलान् ।
कुटुम्बले नयाँ वर्षको स्वागत गर्दै नयाँ कोसेली सहित दर्जन बढि गीतहरु प्रस्तुत गर्ने छन् । नेपाली नयाँ वर्षलाई फरक ढंगबाट स्वागत गर्दै वैशाख १ गते ५० हजार भन्दा बढीको उपस्थितमा काठमाडौंको टुँडिखेलमा एकसाथ कुटुम्बको संगीत महोत्सब र अन्य धेरै उत्सब रहने छ ।
योगा, ध्यान र उत्सव गरी ओशो तपोबनको सहकार्यमा ओम नेपाल मिडियाले ओशो महोत्सब काठमाडौंको टुँडिखेलमा आयोजना गर्न लागेको छ । सोही कार्यक्रममा कुटुम्बले आफ्नो नयाँ कोसेली सार्वजनिक गर्ने कार्यक्रम समेत समावेश गरेको हो ।
बिहान ९ बजेदेखि राति ९ बजेसम्म हुने १२ घण्टाको महोत्सवमा सबै वर्ग, उमेर, समुदाय, जातजाति, धर्म र संस्कृतिका व्यक्तिहरुलाई सुहाउने विविध प्रकारका कार्यक्रमहरु रहने महोत्सिव संयोजक भवन भट्ट स्वामीले बताए ।
एक दिने ओशो महोत्सव ध्यान, मेडिटेशन, योगा, गायन, नृत्य, लाईभ म्युजिक, लाफिंङ मेडिटेशन, प्रत्यक्ष दोहोरी, पुस्तक प्रदर्शन, फुड फेस्टिभल, गजल वाचन र प्रहशनलगायतको संगालो समारोह हुनेछ ।’ –ओशो तपोबनका प्रवक्ता निराजन भण्डारी स्वामीले भने ।
महोत्सव निशुल्क अवलोकन गर्न पाइने आयोजकले जनाएको छ । साँझ ५० हजार व्यक्तिले एकसाथ ध्यान र उत्सव गर्ने ओशो तपोबनका कार्यक्रम संयोजक शोबिता सिंखडा माले बताईन् । ओशो महोत्सवको महोत्सब पार्टनरको रुपमा ग्लोबल टुरीजम प्रमोशन काउन्सिल रहेको छ । महोत्सवलाई चलचित्र पत्रकार संघ नेपालले मिडिया संयोजन गर्ने छ ।
