काठमाडौं– कास्की, पोखरा महानगरपालिका– १७ विरौटा समृद्धीमार्ग बस्ने स्याङ्जा अर्जुनचौपारी गाउँपालिका– १ घर भएका ४५ वर्षीय इन्द्र प्रसाद अर्यालको कोठामा मंगलबार दिउँसो आगलागी हुँदा उक्त आगलागीमा परी उनको घटनास्थलमै मृत्यु भएको छ ।
ललितपुर, ललितपुर महानगरपालिका– ६ प्रयाग पोखरीस्थित झापा घर भइ महालक्ष्मी नगरपालिका– ४ ईमाडोल बस्ने २६ वर्षीय गंगा श्रेष्ठको हिमालयन कंचन जंगा ट्रेडर्स एण्ड एक्पोर्ट होलसेल रिटेल्स लेडिज एण्ड जेन्स फेसन वेयर फेन्सी पसलमा मंगलबार राति आगलागी हुँदा पसलमा रहेको विभिन्न फर्निचरको सामाग्री र कपडा पूर्णरुपमा जलेर करिब १ करोड रुपैयाँ बराबरको धनमाल नष्ट भएको छ ।
पाँचथर, कुम्मायक गाउँपालिका– १ भद्रौरेस्थित साब्ला सामुदायिक वनमा लागेको आगो फैलिएर सोही ठाउँ बस्ने कमल जंग लावतीको घर र बिर्ख लावतीको घरमा मंगलबार दिउँसो आगलागी हुँदा करिब १२ लाख ५० हजार रुपैयाँ बराबरको धनमाल जलेर नष्ट भएको छ ।
सिरहा, सिरहा नगरपालिका–२२ मुसहरी टोल बस्ने सुमन दासको कुखुरा फर्ममा विद्युत सर्ट भई बुधबार बिहान आगलागी हुँदा फर्म पूर्णरूपमा जलेर करिब ७ लाख रुपैयाँ बराबरको धनमाल नष्ट भएको छ ।
लमजुङ, राईनास नगरपालिका– ९ कुवापानी बस्ने ५६ वर्षीय चेमान गुरुङको राईनास बाख्रा तथा भेडा पालन कृषक फर्ममा करेन्ट सर्ट भई मंगलबार राति आगलागी हुँदा फर्म पूर्णरूपमा जलेर करिब ६ लाख रुपैयाँ बराबरको धनमाल नष्ट भएको छ ।
खोटाङ, खोटेहाङ गाउँपालिका–८ कसेरी बस्ने २३ वर्षीय रामु राईको घरमा विद्युत सर्ट भई मंगलबार दिउँसो आगलागी हुँदा नगद ३० हजार रुपैयाँ, सुन तथा चाँदीका गहना, अन्नपात, भाँडावर्तन, लत्ताकपडा, काठपात लगायतका समान जलेर करिब ५ लाख ११ हजार रुपैयाँ बराबरको धनमाल नष्ट भएको छ ।
मकवानपुर, बकैया गाउँपालिका(१ डाङडुगे बस्ने ४५ वर्षीय नेत्र बहादुर फुयालको घर र गोठमा आगलागी हुँदा करिब ५ लाख रुपैयाँ बराबरको धनमाल जलेर नष्ट भएको छ ।
भक्तपुर, चाँगुनारायण नगरपालिका– ७ यतु महादेव टोल बस्ने २५ वर्षीय कुमार विकको यतु महादेव गाई फर्ममा मंगलबार राति आगलागी हुँदा करिब ४ लाख ८८ हजार रुपैयाँ बराबरको धनमाल जलेर नष्ट भएको छ ।
रौतहट, चन्द्रपुर नगरपालिका– ९ सिन्दुरेघारी बस्ने आशिष भन्ने रण बहादुर कार्कीको घरमा मंगलबार राति आगलागी हुँदा घर, अन्नपात, लत्ताकपडा, भाँडावर्तन लगायतका सामान जलेर करिब ४ लाख रुपैयाँ बराबरको धनमाल नष्ट भएको छ ।
प्रहरीले स्थानीय बासिन्दा र दमकलको सहयोगमा आगलागी नियन्त्रणमा लिनुको साथै यस सम्बन्धमा आवश्यक अनुसन्धान गरिरहेको छ ।
प्रकाशित मिति: बुधबार, चैत २२, २०७९ १२:२८
