काठमाडौं– गौरीशंकर गाउँपालिका वडा न ८ निवासी थापा बन्धुहरुले खारे माबिका विद्यार्थीहरुलाई छात्रवृत्ति प्रदान गरेको छ ।
थापा बन्धुहरुको बशिस्ठ स्मृति प्रतिस्ठान र धर्मरत्न प्रतिस्ठानले तेस्रो वार्षिक उत्सवको अवसरमा खारे माबिमा अध्यनरत ८ जना विद्यार्थीहरुलाई रु २०,००० (बीस हजार) बराबरको छात्रवृत्ति प्रदान गरेको हो ।
थापा बन्धुहरुका सदस्य बलराम थापा, इन्द्रबहादुर थापा लगायत अन्य थापाहरुको सहयोगमा सो रकम विद्यार्थीहरुलाई हस्तान्तर गरिएको हो । कार्यक्रममा गौरीशंकर गाउँपालिका वडा न ८ का वडाध्यक्ष दावारिन्जी शेर्पाको उपस्थिति रहेको थियो।
वडाध्यक्ष शेर्पाले कार्यक्रममा बोल्दै दुबै प्रतिस्थानको उत्तरोत्तर प्रगतिको कामना गरे । बिद्यालयको प्रधानध्यापक नरेन्द्र सिङ महतले यस सहयोगले विद्यार्थीहरुको पढाइप्रति थप हौसला मिल्ने बताउर्दै धन्यवाद दिए ।
