काठमाडौं - नुवाकोटमा एकदिने स्वास्थ्य शिविर सम्पन्न भएको छ। नुवाकोटको ककनी गाउँपालिकास्थित वडा ७ मा एकदिने स्वास्थ्य शिविर सम्पन्न भएको हाे ।
शनिबार चतुराले स्वास्थ्य चौकीमा भएको पाठेघरको मुख क्यान्सर स्क्रिनिङ(भिआइए)मा एक सयभन्दा बढीले बढी लाभन्वित भएको साेही वडाको वडाध्यक्ष रामकृष्ण तामाङले बताएका हुन् ।
वडाध्यक्ष तामाङको विशेष पहल र काठमाडाैंबाट समाजसेवी सुनिता पाण्डे एवम् विभिन्न संस्थासँगकाे सहकार्यमा साे शिविर सम्पन्न भएकाे हाे । वडाध्यक्ष तामाङले भने,''गाउँपालिकासँग समन्वय गरेर समाजसेवी सुनिता पाण्डेको सहकार्यमा शिविर भएको हो ।''
शिविरमा नेपाल क्यान्सर फाउन्डेसनकी डा सरिता घिमिरेको टोलीले जाँच गरेको वडाध्यक्ष तामाङले बताए। उनका अनुसार उत्त शिविरमा पुरुषा महिला दुवै गरी १६० भन्दा बढीले मधुमेह पनि परीक्षण गरेर लाभन्वित भएका छन् ।
शिविरमा एक सय तीन जना महिलाले पाठेघर जाँच गराउँदा १५ जनामा भिआइएको प्रारम्भिक लक्षण देखिएको छ । वडाध्यक्ष तामाङका अनुसार नेपाल क्यान्सर फाउन्डेसनकी डा सरिता घिमिरेको टिम र काठमाडाैंका लायनस् क्लबबाट स्वास्थ्यकर्मीहरु चतुराले स्वास्थ्य चौकीमा आएर शिविर सञ्चालन गरेका हुन् । उत्त स्वास्थ्य शिविरमा तीस वर्षदेखि साठ्ठी वर्षसम्मका महिलाहरु जाँच गर्न आएकाे बताइएकाे छ ।
वडाध्यक्ष तामाङले भने,"जनताकाे सेवामा उठाएको मुद्दा नै स्वास्थ्य भएकोले विभिन्न व्यक्तिको सहकार्यमा स्वास्थ्य शिविर लगिएको हाे । सात आठ महिनामा नै याे पाँचाैँ स्वास्थ्य शिविर हाे " उनले बताए । यस शिविरले वडा नम्बर ७मा भएका आम महिलाकाे स्वास्थ्य विशेषगरी पाठेघरकाे, समस्या पहिचान भएकाे छ,त्यस्ता महिलाहरुलाई समन्वय गरी उपचारमा सहयोग गर्ने नीतिसमेत वडाको रहेको तामाङले बताए।
