खोटाङ–शैक्षिक गुणस्तर अभिवृद्धिका लागि खोटाङको दिक्तेल रुपाकोट मझुवागढी नगरपालिकाले विद्यालय शिक्षा सुधारसम्बन्धी अभिमुखीकरण सुरु गरेको छ । सामुदायिक विद्यालयको खस्किँदो शैक्षिक गुणस्तर अभिवृद्धिका लागि नगरपालिकाले विज्ञ उपस्थित गराएर चार दिने शिक्षा सुधारसम्बन्धी अभिमुखीकरण सुरु गरेको हो ।
१ कात्तिकमा समापन गर्नेगरी १५ वडाका वडाध्यक्ष, विद्यालयका प्रअ र व्यवस्थापन समितिका अध्यक्षलाई सहभागी गराएर शनिबारदेखि अभिमुखीकरण सुरु गरिएको हो ।
शैक्षिक गुणस्तर अभिवृद्धि गर्ने विधि र उपायको खोजीमा अभिमुखीकरण कार्यक्रम आयोजना गरिएको दिक्तेल रुपाकोट मझुवागढी नगरपालिकाका मेयर तीर्थराज भट्टराईले बताए ।
‘सामुदायिक विद्यालयको शैक्षिक गुणस्तर खस्किरहेको छ । सामुदायिक विद्यालयप्रतिको विश्वास घट्दो छ,’मेयर भट्टराईले भने,‘यसमा स्थानीय सरकारको कहाँ कमजोरी भयो रु शिक्षकको कहाँ कमजोरी भयो ? अभिभावकको कहाँ, कसरी कमजोरी भयो रु यावत् समस्या पहिचान गर्दै हल गर्ने सोचका साथ कार्यक्रम आयोजना गरिएको हो ।’
अभिमुखीकरण कार्यक्रमको पहिलो दिन वडाध्यक्ष, २१ मावि र १४ आधारभूत विद्यालयका प्रअलाई सहभागी गराएर शैक्षिक गुणस्तर उकास्ने उपायका बारेमा छलफल गरिएको छ । कार्यक्रममा शिक्षा सुधार अभियान्ता डा।तोयानाथ खनाल, माधव अधिकारी (ए), शैक्षिक उत्प्रेरक माधव अधिकारी (बि) र पिउने पानी अभियान्ता गोकुल दंगालले सहजीकरण गरिरहेका छन् ।
आइतबार ६२ प्राविका प्रअ, सोमबार २१ मावि र १४ आधारभूत विद्यालयका विव्यास अध्यक्ष तथा मंगलबार ६२ प्राविका विव्यास अध्यक्षको सहभागीतामा अभिमुखीकरण कार्यक्रम सञ्चालन गरिने नगरपालिकाले जनाएको छ ।
पहिलो दिन डा।खनालले शिक्षक, अभिभावक र विद्यार्थीको भूमिका, कर्तव्यबोध एवम् आइपर्ने चुनौती र समाधानका उपायबारे कार्यपत्र प्रस्तुत गरेका थिए । आवश्यक परे शैक्षिक सुधारसम्बन्धी थप कार्यक्रम आयोजना गरिने मेयर भट्टराईले बताए ।
प्रकाशित मिति: आइतबार, असोज ३०, २०७९ १२:५९
-1745656903.jpeg)