काठमाडौं - त्रिभुवन विश्वविद्यालय (त्रिवि) मा १३२ दिनपछि फोडिएको ताला पुनःलगाइएको छ । त्रिविका उपकुलपति, रजिष्ट्रार र शिक्षाध्यक्षको कार्यकक्षमा १३२ दिनसम्म लागेको ताला फोडेको अर्को दिन बिहबिारदेखि पुन: ताला लगाइएको हो ।
नेपाल विद्यार्थी संघ (नेविसंघ) ले विभिन्न माग राख्दै गत माघ ७ गतेदेखि ताला लगाएका थिए । यस्तै आंशिक शिक्षकले पनि उपकुलपति, रजिष्ट्रार र शिक्षाध्यक्षको कार्यकक्षमा आफूहरूलाई दैनिक ज्यालादारीबाट मासिक ज्यालादारीमा राख्नुपर्ने माग गर्दै माघ २० गतेदेखि ताला लगाएका थिए ।
नेविसंघ र आंशिक शिक्षकले लगाएको ताला यही जेठ १८ गते नेकपा ९क्रान्तिकारी०ले फोडे पनि फेरि उनीहरूले हिजो संयुक्तरूपमा ताला लगाएका छन् । नेविसंघ त्रिवि समितिका सचिव योगेन्द्र रावलले त्रिविले आफूसँग गरिएको सम्झौता कार्यान्वयन नगरेकाले ताला लगाएको बताए ।
उनका अनुसार नेविसंघले पाठ्यक्रम परिवर्तन नगरेको, शैक्षिक क्यालेण्डर लागू नगरेको जनकपुरस्थित युथ क्याम्पसलाई ब्लाचलर अफ कम्प्युटर अप्लिकेशन ९बिसिए० का सम्बन्धमा आर्थिक लेनदेन गरेकाले ताला लगाइएको हो ।
नेविसंघले उपकुलपति, रजिष्ट्रार र शिक्षाध्यक्षको बर्खास्त वा राजीनामा माग गरेको छ । त्रिविले नेविसंघसँग वार्ता गर्नका लागि त्रिवि विद्यार्थी कल्याण तथा खेलकुद महाशाखाका निर्देशक पशुपति अधिकारीको संयोजकत्वमा तीन सदस्यीय वार्ता टोलीसमेत गठन गरेको छ ।
वार्ता टोलीका संयोजक अधिकारीले नेविसंघसँग सात(आठ पटक वार्ता गरेपनि निष्कर्षमा नपुगेको बताए । ‘हामी सात(आठ पटक वार्तामा बस्यौं, नेविसंघको मागअनुसार बर्खास्ती वा राजीनामा असम्भव कुरा हो’, उनले भने, ‘त्यही भएर वार्ता निष्कर्षमा पुग्न सकेको छैन ।’
प्रकाशित मिति: शुक्रबार, जेठ २०, २०७९ १७:२५
