कठमाडौं - स्थानीय तहको निर्वाचनमा युवाको सहभागिताका सम्बन्धमा अन्तरक्रिया कार्यक्रम सम्पन्न भएको छ । काठमाडौंको अनामनगरमा भएको युनियन हाउसमा बिहीबार राष्ट्रिय युवा गैर सरकारी संस्था महासंघ नेपाल (एएनएफवाइ)ले युएनडिपिको सहकार्यमा स्थानीय तहको निर्वाचनको सम्बन्धमा युवा सहभागिताका बारेमा अन्तरक्रिया कार्यक्रम सम्पन्न गरेको हो ।
यही वैशाख ३० गते चौथो पटक स्थानीय तहको निर्वाचनमा मुलुक जुटिरहेको अवस्थामा एएनएफवाइले विगतको निर्वाचन र हालको हुने निर्वाचनमा केकस्ता कार्यक्रम हुँदै छन् भन्नेबारे युवा वर्गको जिज्ञासालाई मेटाउन निवार्चन आयोगका उपसचिव एवम् सूचना अधिकारी र सहायक प्रवक्ता सुर्यप्रसाद अर्यालको प्रस्तुतिमा कार्यक्रम सञ्चालन गरेको छ ।
स्थानिय निर्वाचनबाट स्थानिय सरकार ,सेवा र स्थानीय विकासका लागि चुनाव गर्ने गरिन्छ । तसर्थ निर्वाचनलाई स्वच्छ, निष्पक्ष र मर्यादित बनाउनका लागि निर्वाचनसम्बन्धी कानुनी व्यवस्था र निर्वाचन कार्यक्रमका बारेमा प्रस्तुति दिएका थिए ।
उनले विशेष त भोटर शिक्षा ,सुसुचित मतदातन तयार पार्ने र बदर मत कसरी न्युन गर्न सकिन्छ भन्ने बारेमा प्रष्टाए । उनले यस निर्वाचनमा वैशाख २९ गतेसम्ममा १८ वर्ष पूरा हुनेलाई मतदान दिन अनुमति दिएको बताए । जसले गर्दा मतदाताको संख्यामा पौने दुई लाख जति थप भएको उनले बताए । २०४९ सालदेखि नै १८ वर्ष उमेर पुगेकालाई मताधिकारको प्रयोग गर्न दिइएको थियो । त्यो भन्दा अगाडि २१ वर्ष उमेर पुगेकाले मात्र मतदान गर्न पाएका थिए ।
भोटलाई कसरी वदर हुनेबाट रोक्ने भन्नेबारेमा पनि प्रवत्ता अर्यालले मतपत्रका बारेमा बताएका छन् । यस निर्वाचनमा एक खण्डे मतपत्र ३६ जिल्लाका लागि छपाइएको छ भने दुई खण्डे मतपत्र ४१ जिल्लाका लागि २८ लहरको मतपत्र छपाएको उनले बताए । यसैगरी ५६ लहरको मतपत्र ४१ जिल्लाका लागि आयोगले छापेको बताए ।
महानगरपालिका र गाउँपालिकाको प्रमुख र उपप्रमुख, वडाध्यक्ष ,वडा सदस्य उम्मेदवारहरु वा जनप्रतिनिधिहरु निर्वाचनमा कसरी चुनिन्छन् सोको बारेमा उपस्थित युवाहरुलाई बताए । वैशाख ३०मा हुन स्थानिय निर्वाचनमा जम्मा ३५ हजार २२१ जना जनप्रतिनिधिहरु चुनिन्दैछन् ।
उनका अनुसार निर्वाचनका सम्पूर्ण गतिविधिहरूलाई आम जनताको सहज पहुँचसम्म पुर्याउन निर्वाचन आयोग अन्तर्गत ७ वटा प्रदेशमा प्रदेश निर्वाचन कार्यालय रहेका छन् । निर्वाचनका सम्पूर्ण गतिविधिहरूलाई जनताको पहुँचसम्म पु्र्याउन निर्वाचन आयोगअन्तर्गत ७० वटा जिल्ला निर्वाचन कार्यालय रहेका छन् ।
यसैगरी स्थानिय निर्वाचनमा कसरी युवा वर्गले आममानिसलाई भोट हाल्न र त्यस भोटले समाजमा के कस्ता सुशासन बन्न सक्लान् भन्ने बारेमा उनले बताए । उपस्थित युवा जमातले असन्तुष्ट हुँदै निर्वाचन क्षेत्र सुविधायुक्त नभएको प्रश्नमा प्रवक्ता अर्यालले अपागंमैत्री बनाउने ,स्तनपान कक्ष बनाउने,शौचालय,निर्वाचन पोष्टर एवम् इन्टरनेटको व्यवस्था गर्ने उनले बताए ।
कार्यक्रममा युवाह?ले निवार्चनका बेलामा आफू प्रयोग भइएको बारेमा पनि प्रश्न उठाएका थिए । अपागंमैत्री निर्वाचन क्षेत्र कहिले बन्ने ? स्थानीय निर्वाचनमा भोट हाल्न शहरमा बसेका युवा कसरी निर्वाचन स्थानमा पुग्ने ,राज्यले यसको बारेमा के कस्तो सुविधा उपलब्ध गराउने ? विदेशमा बसेका तीस चालिस लाख युवाले कसरी नेपालमा भोट हाल्न सक्ने ?यहाँ भएका सम्पूणै युवाहरुलाई निर्वाचनमा कसरी भोट हाल्ने व्यवस्था मिलाउन सकिन्छ ? जस्ता प्रश्नहरुमा छलफल गरिएको थियो ।
एएनएफवाइका कमल सुवेदीले निर्वाचनका बारेमा हाल युवा वर्गले विचारविमर्श लिन जरुरी रहेको बताए । कार्यक्रममा उठेका विभिन्न प्रश्नलाई सरकारका निकायमाझमा पुर्याउने उनले प्रतिबद्धता व्यक्त गरे । यस्ता अन्तरक्रिया कार्यक्रमहरु निर्वाचन अगाडि मात्र नभई अन्य समयमा पनि गर्न युवाहरुले सुझाव दिए ।
सो कार्यक्रममा विभिन्न निकायका व्यत्तित्व, विद्यार्थी,कानुनी निकायका प्रतिनिधि,सञ्चारकर्मी,संघसंस्थाहरुबाट बाक्लो उपस्थिति रहेको थियो ।
