स्वयम्भूकाे संध्याकालिन दृष्यहरु

फोटो फिचर

Home
फोटो फिचर
स्वयम्भूकाे संध्याकालिन दृष्यहरु

स्वयम्भूकाे संध्याकालिन दृष्यहरु

प्रभाव संवाददाता बिहीबार, वैशाख १५, २०७९

swayambu

-सेल्बी काठमाडौं- स्वयम्भूको सुन्दरता हेर्न मात्र नभएर यहाँ मानिहरु व्यायम गर्न पनि आउने गर्छन् । गर्मीको मौसममा दिनमा जति व्यस्त स्वयम्भू रातमा पनि उत्तिकै व्यस्त रहने गर्छ । साँझबाट देखिने काठमाडौंको दृष्य हेर्न पर्यटकको भीड हुने गर्छ । दिनमा मानिसहरुको घुइँचोसँगै बाँदरहरुले पनि केही हदसम्म खानेकुरा खान पाउँछन्। तर रात पर्दै जाँदा भोका रहेका बाँदरहरु मान्छेले फालेका खानेकुरा खान बाध्य हुन्छन् । सुनसान बुद्धको मूर्तिमा दिनमा भने हजारौँ मानिसहरु यहाँ सिक्का पैसा फाल्ने गर्छन् । धार्मिक विश्वासका आधारमा यहाँ जसको सिक्का अडिन्छ ऊ भाग्यमानी हुने विश्वास रहि आएको छ । सधैं व्यस्त रहने काठमाडौं सहर हिजोआज निकै सुन्दर बनेको छ । वसन्त ऋतु लागेसँगै विभिन्न ठाउँहरु मौसमी फूल ज्याकाराण्डा फुलेको छ । सडक वोरपर ज्याकाराण्डा फूल ढकमक्क भएसँगै सडक रंगीन बनेको छ । मानाैं हामीलाई वैजनी गलैंचा बिछ्याएर स्वागत गरेकाे छ । काठमाडौंको रत्नपार्क, बबरमहल, सुन्धारा, घण्टाघरका सडकहरु वैजनी रङले सजिएको छ । यही फूलका रङसँग लोभिँदै मानिसहरु आफ्ना तस्बिर कैद गरिरहेका हुन्छन् ।