काठमाडौं - प्रभाव राष्ट्रिय दैनिकका स्वर्गीय सम्पादक कमलराज राईको नाममा अक्षय कोषको स्थापना गरिएको छ ।
आइतबार लोकतान्त्रिक दिवसको अवसरमा स्वर्गीय राइज्यूकी जीवनसंगी लालसरा राईले ओखलढुंगाको मानेभञ्ज्याङमा ३ साबिकको उबु गाउँमा उहाँ पढेको श्री राज्यलक्ष्मी माध्यमिक विद्यालयमा एक लाख एक हजार एक सय एक रुपैंयाको स्मृति कोष स्थापना गरेकी हुन् ।
स्वर्गीय राईकी श्रीमतीले स्वर्गीय राईकी आमा पञ्जमति राईको रोबरमा विद्यालयका शिक्षकशिक्षिका,अभिभावक एवम् विद्यार्थीहरुको उपस्थितिमा सो विद्यालयको प्रधानाध्यापकलाई सो रकम प्रधान गरेकी हुन् ।
स्वर्गीय राईज्यूकी जीवनसंगीले भनिन्,‘उनका बाँकी रहेका सबै इच्छा पुरा गर्नुछ, उहाँको एउटा इच्छा आफू पढेको विद्यालयमा अक्षय कोष स्थापना गर्नु थियो ।' जसअन्तरगत वैशाख ११, २०७९मा श्री राज्यलक्ष्मी माध्यमिक विद्यालयमा एक लाख एक हजार एक सय एक रुपैंयाको स्मृति कोष स्थापना गरीएकाे हाे । '
२० माघ ०७८मा उपचारका क्रममा राजधानीको मित्रपार्कस्थित नेपाल–भारत मैत्री अस्पतालमा हृदयाघातबाट सम्पादक स्व.कमल राज राईज्यूको निधन भएको थियो ।उहाँको जन्म वि.स. २०३२ फागुन एक गते ओखलढुंगाको मानेभञ्ज्याङमा ३ साबिकको उबु गाउँमा भएको थियो । उहाँको पिता स्व. शरण बहादुर राई र आमा पञ्जमति राईका कान्छा छोरा हुनुहुन्छ ।
छिल्लो समयमा उहाँले आधुनिक समयअनुसार आम जनतालाई सुचिकृत गर्ने हेतुले प्रभावअनलाइन डटकम र प्रभाव टेलिभिजनको स्थापना पनि गर्नु भएको छ । उहाँले व्यवस्थापन संकायबाट स्नातक गरेता पनि पत्रकारीता जगतलाई अझ प्रष्ट र शिष्ट पार्न आम सञ्चारमा स्नातक गर्नुभयो ।
पत्रकारिता पक्षलाई अझ सक्षम र सबल बनाउन पत्रकारीतामै रत्न राज्य लक्ष्मी क्याम्पसमा अध्ययनरत स्नाकोत्तरको चौथो सेमेस्टरको जाँच दिई परीक्षाफलको पर्खाइमा हुुनुहुन्थ्यो ।मिलनसार र सहयोगी भएकाले क्याम्पसमा सबैमाझ निकै लोकप्रिए हुनुहुन्थ्यो ।
