पाँच सय ८३ जना सङ्क्रमणमुक्त

समाचार

Home
समाचार
पाँच सय ८३ जना सङ्क्रमणमुक्त

पाँच सय ८३ जना सङ्क्रमणमुक्त

काठमाडाै - पछिल्लो २४ घण्टामा ५८३ जना सङ्क्रमणमुक्त भई घर फर्केका छन् ।स्वास्थ्य तथा जनसङ्ख्या मन्त्रालयका अनुसार पछिल्लो २४ घण्टामा चार हजार ९२९ जनाको परीक्षण गरिएकामा ६८ जनामा मात्र कोरोना भाइरस सङ्क्रमण पुष्टि भएको हाे । सोही अवधिमा ५८३ जना सङ्क्रमणमुक्त भई घर फर्केका हुन् । मुलुकमा कोभिड–१९ को सङ्क्रमण क्रमशः कम हुँदै गएको छ । यद्यपि जोखिम भने यथावत् रहेको चिकित्सकहरूले बताएका छन् । त्यसैगरी बितेका २४ घण्टामा कोरोना सङ्क्रमणबाट दुई जनाको मृत्यु भएको छ । यससँगै मुलुकमा कोरोना सङ्क्रमणबाट ज्यान गुमाउनेको सङ्ख्या ११ हजार ९४७ पुगेको छ । हाल देशभर छ हजार ४६१ जना सक्रिय सङ्क्रमित रहेका र १०८ जना क्वारेन्टिनमा बसेका छन् । पछिल्ला २४ घण्टामा ८८ हजार ५६६ जनाले कोभिड–१९ विरुद्ध खोप लगाएका उक्त मन्त्रालयले बताएको छ । खोप अभियान सुरु भएयता तीन करोड ७७ लाख २१ हजार ८८६ मात्रा खोप लगाइसकिएको छ । मन्त्रालयका अनुसार एक करोड ८५ लाख २७ हजार १९० जनाले भने पहिलो मात्रा खोप लगाएका छन् । एक करोड ७८ लाख ७६ हजार २२३ जनाले खोपको पूर्ण मात्रा लगाइसकेका छन् । आजसम्ममा १३ लाख १८ हजार ४३७ जनाले खोपको अतिरिक्त मात्रा पनि लगाइसकेका छन् ।

प्रकाशित मिति: आइतबार, फागुन २२, २०७८ १८:५६

प्रतिक्रिया दिनुहोस्