काठमाडौं–काठमाडौं उपत्यकामा २२६ जना कोरोना संक्रमित थप भएका छन् । स्वास्थ्य तथा जनसंख्या मन्त्रालयका अनुसार देशभर ८ हजार ६९६ नमुना परीक्षण गरिएकोमा सोमबार काठमाडौंका १ सय ८१, ललितपुरका ३० र भक्तपुरका १५ गरी संक्रमित २२६ जना भएको मन्त्रालयले जनाएको हो । संक्रमित थपिएसँगै नेपालमा कोरोना कूल संख्या ११ लाख ११ हजार २१८ पुगेको छ । मन्त्रालयका अनुसार सबैभन्दा धेरै झापामा २५, मोरङ र कास्कीमा २१÷२१ जना, बाँकेमा १५, सुनसरीमा ११, धनुषामा १० र रुपन्देहीमा ९ जनामा कोरोना संक्रमण पुष्टि भएको छ ।
पछिल्लो २४ घण्टामा कोरोना भाइरस (कोभिड–१९) को संक्रमणबाट थप ८ जनाको मृत्यु भएको छ । ७४७ जनामा संक्रमण पुष्टि भएको छ । ६ हजार २७९ नमुनाको पीसीआर परीक्षण गर्दा ४८२ र दुई हजार ४१७ जनाको एन्टीजेन परीक्षण गर्दा २६५ गरी ७४७ जनामा संक्रमण पुष्टि भएको छ । २४ घण्टामा दुई हजार ३१९ जन संक्रमणमुक्त भएका छन् । हाल देशभर २० हजार ७३९ संक्रिय संक्रमित छन् । जसमध्ये १९ हजार ९३० संक्रिय संक्रमित होम आइसोलेसनमा छन् भने ८०९ जना संस्थागत आइसोलेसनमा छन् । उनीहरुमध्ये १७८ जनाको आईसीयू र ३४ जनाको भेन्टिलेटरमा उपचार भइरहेको मन्त्रालयले जनाएको छ ।
यस्तै नेपाल मृत्यु हुनेको संख्या ११ हजार ९०० पुगेको छ भने ९ लाख ४० हजार ९०२ जना संक्रमणमुक्त भएका छन् । १० वर्ष मुनिका १७ बालबालिकामा कोरोना संक्रमण पुष्टि भएको छ भने ११ देखि २० वर्ष उमेर समूहका ३३ जना कोरोना संक्रमित थपिएका छन् ।
-1755862759.jpeg)
