सर्लाही - जिल्ला प्रहरी कार्यालय सर्लाहीले लागूऔषधसहित तीन जनालाई नियन्त्रणमा लिएको छ।
प्रहरीका अनुसार २०८३ असोज ५ गते हरिवन नगरपालिका–९ स्थित पूर्व जाने बस काउन्टरको पछाडि विशेष सूचनाका आधारमा इलाका प्रहरी कार्यालय हरिवन र लागूऔषध नियन्त्रण ब्युरो बर्दिबास महोत्तरीबाट खटिएको संयुक्त टोलीले पश्चिमबाट नयाँ रोडतर्फ आउँदै गरेको टेस्ट एफजेड मोटरसाइकल रोकी जाँच गरेको थियो।
जाँचका क्रममा मोटरसाइकलको प्लास्टिकको बोरा र झोलामा लुकाइछिपाइ ल्याइएको अवस्थामा विभिन्न ४४ सय ट्याब्लेट बरामद भएको प्रहरीले जनाएको छ।
त्यसैगरी, सोही दिन बागमती नगरपालिका–४ सानो बजारस्थित कडेन एण्ड सर्जि अप्रेसनमा खानतलासी गर्दा पनि केही लागूऔषध बरामद भएको प्रहरीले जनाएको छ।
प्रहरीले लागूऔषधसहित बागमती नगरपालिका–९ सोल्टी बजारका ४४ वर्षीय प्रदीप महतो, रौतहटचन्द्रपुर नगरपालिका–९ पौराही टोलका २८ वर्षीय सुरज थापा र हरिवन नगरपालिका–४ डाबरीका २६ वर्षीय कुलबहादुर बर्मीलाई नियन्त्रणमा लिएको छ।
नियन्त्रणमा लिइएका तीनै जनामाथि लागूऔषध मुद्दामा थप अनुसन्धान भइरहेको जिल्ला प्रहरी कार्यालय सर्लाहीले जनाएको छ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)