काठमाडौं- जापानमा आयोजित २०औं संस्करणको एसियाली खेलकुदमा सहभागी हुने नेपाली पुरुष राष्ट्रिय क्रिकेट टोलीको बिदाइ गरिएको छ।
राष्ट्रिय खेलकुद परिषद् (राखेप)ले शनिबार एसियाली खेलकुदमा सहभागी हुने नेपाली टोलीलाई बिदाइ गरेको हो। बिदाई समारोहमा राखेपका सदस्यसचिव रामचरित्र मेहता, नेपाल क्रिकेट सङ्घ (क्यान) का सचिव पारस खड्कालगायतको उपस्थिति थियो।
बिदाइ समारोहमा राखेपका सदस्यसचिव मेहताले टोलीलाई शुभकामना दिए। प्रतियोगितामा टोलीले राम्रो प्रदर्शन गर्ने उल्लेख गर्दै पदकको आशा राखेको उनले बताए।
नेपालले प्रतियोगिताको समूह चरणमा आगामी शुक्रबार अफगानिस्तान र शनिबार जापानविरुद्ध खेल्ने तालिका छ। नेपाली क्रिकेट टोलीले चौथोपटक एसियाली खेलकुदमा प्रतिस्पर्धा गर्न लागेको हो।
नेपालले क्रिकेटतर्फ हालसम्म एसियाली खेलकुदमा क्वार्टरफाइनलसम्मको यात्रा गरेको छ। यसपालि प्रतियोगितामा स्वर्णपदक जित्ने लक्ष्य रोखेको टोलीका कप्तान दीपेन्द्रसिंह ऐरीले बताए।
एसियाली खेलकुदका लागि नेपालको टोलीमा दीपेन्द्रसिंह ऐरी (कप्तान), सन्दीप लामिछाने, कुशल भुर्तेल, आसिफ शेख, रोहितकुमार पौडेल, आरिफ शेख, कुशल मल्ल, सन्दीप जोरा, लोकेश बम, गुलशनकुमार झा, करण केसी, सोमपाल कामी, नन्दन यादव, ललितनारायण राजवंशी र शेर मल्ल रहेका छन्।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)
![‘बालेन सरकार सिण्डिकेटधारीको प्रभावमा पर्छ भन्ने लाग्दैन’ [भिडियोसहित]](https://www.prabhabonline.com/uploads/posts/200X200/Dik-bahadur_interview-1789303890.jpg)
