काठमाडौं - नेपाली कांग्रेस नियमित महाधिवेशन पक्षधरका शीर्ष नेताहरूको बैठक बस्दै छ । काठमाडौंको चुनदेवीस्थित सम्पर्क कार्यालयमा दिउँसो २ बजे शीर्ष नेताहरूबीच छलफल हुने नेता मीन विश्वकर्माले बताए ।
असार २२ गते सोमबारदेखि लगातार बसेको बैठकमा नेता कार्यकर्ताले ठोस निकास दिनुपर्ने दबाब बढाएसँगै शीर्ष नेताहरूले छलफल गर्न लागेका हुन् ।
उक्त बैठकमा धारणा राख्ने अधिकांश नेताहरूले शीर्ष नेतृत्वबीच छलफलपछि ठोस निर्णय दिनुपर्ने बताएका थिए । सोही सुझावअनुसार शीर्ष नेताहरू छलफलका लागि जुट्ने भएका हुन् । शीर्ष तहमा छलफलपछि ठोस निर्णय गरेर अघि बढ्ने उक्त पक्षको तयारी छ ।
तीन दिन चलेको बैठकमा धारणा राख्ने अधिकांशले वैकल्पिक निर्णयका लागि शीर्ष नेताहरूले खुट्टा कमाउन नहुने बताएका थिए ।
