काठमाडौं- साताको दोस्रो दिन सोमबार सेयर बजार सकारात्मक देखिएको छ । विगत चार दिनदेखि लगातार ओरालो लागेको नेपाल स्टक एक्सचेञ्ज परिसूचक सोमबार २१.३० अङ्कले बढेर २७६१.२६ विन्दुमा पुगेर बन्द भएको हो ।
आज ५ अर्ब ७५ करोड ३२ लाख रुपैयाँ बराबरको कारोबार भएको छ । ३१७ वटा स्क्रिप्टको कारोबार हुँदा १ करोड ८ लाख कित्ता सेयर खरिद बिक्री भई सो बराबरको कारोबार भएको हो । कारोबारमा आएका कम्पनीहरूमध्ये अधिकांशको सेयर मूल्य बढेको छ । कुल १७९ वटा कम्पनीको सेयर मूल्यमा वृद्धि देखियो भने ७१ वटा कम्पनीको शेयर मूल्य घटेको छ ।
कारोबार रकमका आधारमा नेपाल पुनर्बिमा कम्पनी सबैभन्दा अगाडि रह्यो । कम्पनीको ७६ करोड ९६ लाख रुपैयाँभन्दा बढीको सेयर किनबेच भयो । त्यस्तै, हिमालयन रिइन्स्योरेन्स र हिमालयन डिस्टिलरी क्रमशः दोस्रो र तेस्रो स्थानमा रहेका छन् ।
-1755862759.jpeg)
