काठमाडौं-भदौ महिनाको पहिलो दिन सेयर बजारमा गिरावट आएको छ । साताको पहिलो दिन बजार परिसूचक (नेप्से) २५.७० अङ्कले घटेर २७६१.२२ अङ्कमा झरेको हो ।
बजारमा दिनभरिमा कुल ३१७ वटा कम्पनी २ करोड ५ लाख कित्ता सेयर किनबेच भएका छन् । त्यो सगैँ बजारमा ७ अर्ब ७३ करोड ५१ लाख रुपैयाँ बराबरको कारोबार भएको छ । कारोबारमा आएका कम्पनीहरूमध्ये अधिकांशको सेयर मूल्यमा गिरावट आएको छ । कुल ५८ वटा कम्पनीको सेयर मूल्य बढ्दा १९१ वटा कम्पनीको मूल्य घटेको छ ।
कारोबार रकमका आधारमा नेपाल पुनर्बिमा कम्पनी अग्रस्थानमा रह्यो । उक्त कम्पनीको ५१ करोड ६७ लाख रुपैयाँभन्दा बढीको कारोबार भएको नेप्सेको तथ्याङ्क छ । त्यसपछि क्रमशः हिमालयन रिइन्स्योरेन्स र नेपाल रिपब्लिक मिडियाले सर्वाधिक कारोबार गरे ।
