रसुवा - ''समुन्नत नेपालको प्राथमिक आधार, पर्यटन र कृषि नेपाली अर्थतन्त्रका जराधार'' भन्ने नाराका साथ रसुवा जिल्लाको कालिका गाउँपालिकाको जिबजिबेमा २२ औँ राष्ट्रिय धान दिवस-२०८२ तथा रोपाई महाेत्सव सम्पन्र भएकाे छ। गाउँ पर्यटन प्रबर्धन मञ्ज नेपाल (भिटाेफ नेपाल) र कालिका गाउँपालिकाको संयुक्त आयोजनामा नेपाल पर्यटन बोर्डको प्रबर्धनमा २२ औँ राष्ट्रिय धान दिवस-२०८२ तथा रोपाई महाेत्सव सम्पन्र गरेकाे हाे ।
कार्यक्रमलाई पञ्चेबाजागाजासहित स्वागत गरिएकाे थियाे ।कृषि,स्थानीय संस्कृति र परम्पराको प्रवर्द्धन गर्ने उद्देश्यका साथ सञ्चालन गरेकाे उक्त कार्यक्रम रसुवाका प्रतिनिधिसभाका सांसद मोहन आचार्यको प्रमुख आतिथ्यतामा रोपाई महोत्सवकाे सुरूवात गरिएकाे थियाे । कार्यक्रममा स्थानीय भजनमण्डलीले गीत र नाचकासाथ सुरूवात गरियाे । यससँगै स्थानीय आदीवासी समूदायबाट टुंग्ना बजाएर संगीतले साे महाेत्सवकाे शाेभा बढाएकाे थियाे ।
कृषि, संस्कृति र ग्रामीण पर्यटन प्रबर्धन गर्ने उदेश्यले गरिएको कुरा भिटोफका अध्यक्ष सकुन्तला देवकोटाले बताइन् । कृषिमध्ये माने राेपेर मुरी फलाउने याे समय पर्यटनकाे एक पाटाे जसले यहाँकाे रैथाने कृषि प्रविधि र यहाँकाे असारे लाेक भाकाले गाउँ पर्यटन प्रबर्धन हुने बताइन् । 'यस किसिमका कार्यक्रम वार्षिक रूपमा गर्ने गरेका छाैँ ,गाेरखा नुवाकाेट ठाउँमा पहिले नै गरेका छाैँ ।' उनले भनिन्,' यसपालि रसुवाकाे जिबजिबे गैरीगाँउमा भयाे । अर्काे साल फरका ठाउँमा हुनेछ। यसरी नै हामीले गाउँका लागि पर्यटन प्रबर्धन गर्ने जमर्काे गरेका छाैँ । '
कार्यक्रममा विभिन्न गाउँका माैलिक भाकाकाे असारे गीतहरूलाई जगेर्ना गर्न यस किसिमकाे प्रतियाेगिता गरेकाे आयाेजकले बताए । काठमाडाैँबाट आयाेजक टाेलीले केही विदेशीहरूलाई पनि सहभागी गराएकाे थियाे । उक्त कार्यक्रममा स्थानीय जनप्रतिनिधि ,वडा अध्यक्ष,राजनीतिज्ञहरू,स्थानयवासीहरूकाे बाक्लाे उपस्थिति रहेकाे थियाे ।
साे कार्यक्रममा काठमाडाैंबाट पर्यटन क्षेत्रमा संलग्न विभिन्न ओहाेदाका व्यक्तिहरूकाे पनि उपस्थिति थियाे । टानका अध्यक्ष सागर पाण्डेले यस्ता कार्यक्रमले रसुवा जिल्लाकाे कृषिले पनि हिमाली क्षेत्रकाे पदयात्राहरू उजागर गर्न सहायता पुग्ने बताए । कृषिसँगै पर्यटन भन्ने भाव यस कार्यक्रमले झल्काएको छ ।
