मुगु - मुगु जिल्ला सोरु गाउँपालिका वडा नम्बर ७ मा रहेका ख्याल्च,सिरुपाट,गोयल पानी गाँउमा बस्दै आएका १ सय ३७ घर परिवारका स्थानिय बासीहरु जन्मजात देखी खोलाको पानी पिउँदै आई रहेको समस्यालाई समाधान गर्नको लागि सोरुगाँउपालिकाको सहजीकरण ,ब्याक टु लाईफ ई.भी. जर्मनीको आर्थिक सहयोग र कर्णाली सामुदायिक विकास केन्द्र मुगुको प्राविधिक सहयोग तथा साझोदारीमा सन्चालन स्वास्थ्य शिक्षा तथा समुदायमा प्रवर्धन परियोजनामार्फत स्थानिय नागरिकहरुले एक घर एक धारा खाने पानी पाउँदा निकै खुसी भएका छन् ।
हिउँदमा धुलो, बर्खामा हिलो संगही गाँउदेखी आधा घण्टा टाढा रहेको खोला,नाउला,पहराको पानी पिउँदै आएको हामी स्थानिय बासीलाई निकै दुख खेप्दै आएका थियो । यही खोना,नाउलाको पानी पिउँदा धेरै रोगले अकालमा धेरै जनाको ज्यान जार्ने गएको थियो । नियमित सरसफाईका नहुँदा दैनिक घरमा खाने पानी ल्याउन वस्तु भाउलाई पानी खुवाउँदै त्यहाँका महिलाहरुको आधा जिन्दगी पानीको जोहो गर्दै बितिरहेकाे थियो ।
अहिले स्थानिय सरकार संघ-संस्थाको पहलमा घरघरमा खाने पानीका धारा पाउँदा समयको बचत हुनुका साथै नियमित सरसफाई गर्न,तरकारी खेति गर्न पनि सहज भएको छ ।विगतका खानेपानीको दैनिकी पिर हटेपछि हिजो-आज सहज रुपमा खानेपानीका धारा चौबिसैं घण्टा प्रयोग गर्न पाउँदा निकै खुसी भएको स्थानिय छिता बुढाले बताएकी छन् ।
सोरु गाँउपालिका मुगुको वडा नम्बर ७ मा रहेको ख्याल्च खाने पानी आयोजनाको कुल लागत ३६ लाख ४५ हजार ७५ रुपैयाँ , सिरुपाटा खानेपानी आयोजनाको कुल लागत ३२ लाख ८७ हाजिर ९ सय ३५ रुपैया गोयलपानी खानेपानी आयोजनाको कुल लागत ३८ लाख ८६ हजार ९ सय ३५ रुपैया गरी जम्मा १ करोड ८ लाख १९ हजार ९ सय ४५रुपैयाको लगानिमा ख्याल्चागाँउका ७५ घर,सिरुपाटा २२ घर र गयाल पानीका ३५ घर गरी जम्मा १ सय ३५ घरमा घरघरका आगनमा सुरक्षित खाने निमार्ण गरी हस्तान्तरण गरिएको छ ।
नागरिकहरुको पहिलो अधिकार भनेको सहजरुपमा खाने पानी,खाना,लगाउन मानिसको आधारभूत अधिकार भएको हुनाले जर्मन सरकारका नागरिकहरुले मुगु जिल्लामा रहेका दुर दराजका गाँउ बस्तिमा बस्ने नागरिकहरुको शिक्षा,स्वास्थ्य,आय आजर्न ,खाने पानीबाट पछि परेकाहरुको सहयोग गर्दै आएकाे छ ।
कर्णाली सामुदाय विकास केन्द्र मुगुका संस्थापक अध्क्षय तथा सल्लाहकार हरिजङ्ग शाहीले जर्मन सरकार र त्यहाँका नागरिकहरु लगाएत दातृनिकायहरुलाई सम्झेर धेरै धन्यावाद दिए । आगामी दिनहरुमा सस्थाले थप कार्यक्रमहरु पाएपछि दुर्गम वस्तीहरुका बीचमा काम गर्ने उनले बताए।
सोरु गाँउपालिकाका अध्क्षय धर्म बहादुर शाहीले भने,'यो खाने पानी आयोजना घरघरमा खाने पानीको धारा बनेर मात्र हुँदैन यसको संरक्षणमा स्थानीय बासिहरुले बढी ध्यान दिएर दिगो राख्नु पर्ने हुन्छ ।तिनै वस्तीका नागरिकहरुले यो खानेपानी आयोनजा ४,५ वर्ष भन्दा बढी प्रयोग गनु पर्ने देखिन्छ । मर्मत सम्भारको लागी स्थानिय कोषको ब्यावस्था गर्नु पर्ने देखिन्छ ।" उनले भने "सधैँ स्थानिय तह,संघ-सस्थाको भर पर्ने काम नगर्नु होला । छोटो समयमा खाने पानी आयोजना अलपत्र परेको, प्रयोगमा नआएको, पालिकाले थाहा पाएपछि यसरी सन्चालनमा आएकाे छ ।"
नेपाल सरकारको २०३० सम्म एक घर एक धार सहित सुरक्षित खानेपानीको पहँचमा ल्याउने राज्यको निति अनुसार सोरु गाँउपालिका पनि एक घर एक धारा निमार्ण प्रथामिकता दिँदै आएको पालिका अध्क्षय शाहीले बताए ।
