काठमाडौं– श्रम, रोेजगार तथा सामाजिक सुुरक्षा मन्त्रालयले वैदेशिक रोजगारीमा जाने कामदारको स्वास्थ्य परीक्षण गर्ने ४९ वटा स्वास्थ्य संस्थाको नवीकरण गरेकोे छ ।
मन्त्रालयले वैदेशिक रोजगार ऐन, २०६४ को दफा ७२ को र नियमावली, २०६४ को नियम ५४ (क) तथा वैदेशिक रोजगारमा जाने कामदारको स्वास्थ्य परीक्षण गर्ने स्वास्थ्य संस्था सूचीकरण, नवीकरण तथा अनुगमनसम्बन्धी कार्यविधि, २०७२ मा व्यवस्था भएअनुसार ती संस्थाहरूको नवीकरण गरेकोे हो ।
मन्त्रालयको यही साउन १४ गतेको निर्णयअनुसार २०८० माघ १६ गतेदेखि आगामी २०८३ साल माघ १५ गतेसम्म हुनेगरी तीन वर्षका लागि नवीकरण तथा सूचीकरण गरिएकोे मन्त्रालयले जनाएको छ । वैदेशिक रोजगारीमा जाने कामदारको स्वास्थ्य परीक्षण गराउन इच्छुक स्वास्थ्य संस्थाहरुले सूचीकरण, नवीकरण भएको मितिदेखि तेस्रो वर्षको पुस मसान्तसम्ममा नवीकरणका लागि आवेदन दिनुपर्ने व्यवस्था छ ।
सोही व्यवस्था अनुरुप सूचीकरण एवं नवीकरणको अवधि समाप्त भएको संस्थाहरुले तोकिएबमोजिम दस्तुर, कागजात र अन्य विवरण बुझाएपश्चात् सूचीकरण नवीकरण गरिएको मन्त्रालयले जनाएको छ ।
स्वास्थ्य परीक्षणका लागि सूचीकरण, नवीकरण हुने स्वास्थ्य संस्था उपत्यकामा १४२ र उपत्यकाबाहिरका सातवटा रहेका छन् । यसअघि सूचीकरण, नवीकरण हुनेमा उपत्यकाका १२२ र उपत्यकाबाहिरका २३ स्वास्थ्य संस्थाहरु रहेका थिए ।
