काठमाडौं- राष्ट्रिय प्रजातन्त्र पार्टी (राप्रपा)ले आज काठमाडौँमा प्रदर्शन गर्दै छ ।संवैधानिक राजतन्त्रका पुनस्थापनासहित संघीयता र धर्मनिरपेक्षताको खारेजीको माग गर्दै आएको राप्रपाले काठमाडौँमा बृहत् प्रदर्शन गरेकाे हो ।
अपराह्न भृकुटीमण्डपबाट सुरु भएकाे सो प्रदर्शन काठमाडौँका विभिन्न स्थानको परिक्रमा गरेर जनसभामा परिणत भएकाे छ । पार्टीले अघि सारेको ४० बुँदे माग पूरा गराउन दबाब दिन जिल्लाहरूमा विभिन्न कार्यक्रम गरेकाे एक सहभागीले बताएका हुन् ।
प्रदर्शनकारीहरुले गृहमन्त्रीकाे राजीनामा माग गर्दै नारा लगाएका छन् । हिन्दु राज्य कायम गर्नका लागि माग गरेका छन् । गणतन्त्र धाेका भएकाे भन्दै नारा लगाएका छन् । संघीयता खारेजीमा नारा लगाएका छन् ।
जन प्रदर्शनकारीमाथि पानी र असुर ग्याॅस प्रहार भएको छ ।केही समय तनावग्रस्त भएकाे थियाे।
राप्रपाले राखेको ४० बुँदे मागपत्रमा सरकारी कर्मचारी तथा पेसागत दलीय भ्रातृ संगठनहरूको खारेजी हुनुपर्ने, संवैधानिक नियुक्तिहरूमा दलीय भागबन्डा नहुने संवैधानिक सुनिश्चितता हुनुपर्ने, शिक्षा र स्वास्थ्य सुधार हुनुपर्ने, ०४६ सालपछि उच्चपदस्थ नेता, कर्मचारी तथा परिवारको सम्पत्ति छानबिन गर्नुपर्नेलगायत उल्लेख गरेको छ ।
सहकारी तथा लघुवित्तको समस्या समाधान हुनुपर्ने, ललिता निवास, वाइडबडी, नक्कली भुटानी शरणार्थी, ठुलो सुन काण्डलगायतको निष्पक्ष छानबिन गरी दोषीमाथि कारबाही हुनुपर्ने माग पनि राप्रपाको छ ।