काठमाडाैं - वैदेशिक रोजगारीको लागि पोर्चुगल पठाईदिन्छु भनी रकम ठगी गर्ने एक व्यक्तिलाई प्रहरीले पक्राउ गरेकाे छ ।बारा जिल्ला निजगढ न.पा वडा नं. ४ घर भई हाल का.जि. तार्केश्वर न.पा वडा नं. ८ बस्ने वर्ष ४३ की सुष्मा कुमारी खड्कालाई प्रहरी वैदेशिक रोजगारीको लागि पोर्चुगल पठाईदिन्छु भनी रकम ठगी गरेकाे अभियाेमा प्रहरीले पक्राउ गरेकाे हाे ।
खड्काले रु. ११,००,०००/- ( अक्षेरुपी एघार लाख रुपैयाँ ) लाग्ने र पोर्चुगल पुगेपछि होटलमा वेटर काम लगाइदिने मासिक रु. १,२०,०००/- (अक्षेरुपी एक लाख बीस हजार रुपैयाँ) भन्दा धेरै तलव हुने भनी विश्वास दिलाई प्रलोभनमा पारी निज पीडितबाट पटकपटक गरी जम्मा रु. ७,५०,०००/- (अक्षरुपी सात लाख पचास हजार रुपैयाँ ) रकम लिई सम्पर्क विहीन भई ठगी गरेको राजु शाहीले बताएकाे प्रहरीले जनाएकाे छ ।
खटिएको प्रहरी टोलीले निज सुष्मा कुमारी खड्काको खोजतलास गर्ने क्रममा साेमबार का.जि.का.म.न.पा. वडा नं. ३२ बानेश्वरबाट पक्राउ गरी थप अनुसन्धान तथा कारवाहीको लागि वैदेशिक रोजगार विभाग ताहाचल, काठमाडौँ पठाईएको जनाएकाे छ ।
