काठमाडौं– सेरेसले भर्खरै युरोपमा आफ्नो पहिलो ठूलो यात्रा पूरा गरेको छ। सेरेसले २३ दिनमा २१ देश हुँदै १० हजार किलोमिटर भन्दा बढी यात्रा गरेको छ। यस यात्राले सेरेसका नयाँ इलेक्ट्रिक मोडेलको लागि ठूलो परीक्षण गरेको छ। उक्त यात्रामा सेरेसले आफ्नो सवारीको रेन्ज, सेफ्टी र स्मार्ट ड्राइभीङ टेस्ट गरेको हो।
कारको क्षमतालाई कडाईका साथ परीक्षण गर्ने र अनुभवहरू प्रदान गर्ने लक्ष्यका साथ, सेरेसले नेदरल्याण्डको एम्स्टर्डमबाट आफ्नो युरोपेली ग्रान्ड टुर सुरु गरेको थियो। २५ डिग्री सेल्सियस सम्मको तापमान सहित, र लगभग दसवटा विभिन्न सडक अवस्थाहरू पार गर्दै, यो भ्रमण नर्वे, जर्मनी, इटाली, स्पेन, फ्रान्स र अन्य १६ अन्य युरोपेली देशहरू हुँदै नेदरल्याण्ड फर्केको थियो ।
यात्रा भरि, सेरेसले युरोपेली उपभोक्ताहरूबाट उल्लेखनीय ध्यान प्राप्त गरेको थियो। सेरेसले आउँदो भाद्र २६ बाट सुरु हुन गइरहेको नाडा अटो सोमा सेरेसले आफ्नो सफल उत्पादन ‘सेरेस–३’ लाई सार्वजनिक गर्ने योजना बनाएको छ । इलेक्ट्रिक कारको ‘एक्सेप्टेन्स’ एसियामै सबैभन्दा बढी (करिब ६० प्रतिशत) रहेको नेपाली अटोबजारमा सेरेसले सफलता पाउनेमा विस्वस्त रहेको बताएको छ ।
