हाल फरार गाडी र चालकको प्रहरीले खोजी गरिरहेको छ । दुर्घटनाका सम्बन्धमा प्रहरीले थप अनुसन्धान गरिरहेको छ ।
काठमाडौं- सुर्खेत, वीरेन्द्रनगर नगरपालिका- ११ ढोलढुङ्गास्थित सडकमा भे ९ प ७५७२ नम्बरको स्कुटर अनियन्त्रित भई आइतबार दिउँसो दुर्घटना हुँदा स्कुटर चालक सोही नगरपालिका– ११ बस्ने ३० वर्षीया पबित्रा सुनारको मृत्यु भएको छ ।
दुर्घटनामा गम्भीर घाइते भएकी उनको कर्णाली प्रदेश अस्पताल कालागाउँमा उपचारको क्रममा मृत्यु भएको हो ।
सर्लाही, कबिलासी नगरपालिका– १० सलेम्पुर चोकमा हाल नम्बर नखुलेको गाडीको ठक्करबाट पैदलयात्री चन्द्रनगर गाउँपालिका– ५ मोहनपुर बस्ने २१ वर्षीया सबनम खातुनको आइतबार साँझ मृत्यु भएको छ ।
दुर्घटनामा गम्भीर घाइते भएकी उनको नेशनल मेडिकल कलेज वीरगंजमा उपचारको क्रममा मृत्यु भएको हो । साथै उक्त गाडीको ठक्करबाट घाइते भएका अन्य १ जना पैदलयात्रीको सोही अस्पतालमा उपचार भइरहेको छ ।
हाल फरार गाडी र चालकको प्रहरीले खोजी गरिरहेको छ । दुर्घटनाका सम्बन्धमा प्रहरीले थप अनुसन्धान गरिरहेको छ ।
प्रकाशित मिति: सोमबार, जेठ २९, २०८० १३:२७
