मुम्बई – भारतीय गायन रियालिटी शो ‘इण्डियन आइडल १३’ को विजेता ऋषि सिंह बनेका छन् । उपाधिसँगै उनले २५ लाख रुपैंयाँ र एक कार पनि जितेका छन् । शोमा कोलकाताकी देवोष्मिता राय फस्ट रनरअप र जम्मू कश्मीरका चिराग कोतवाल सेकेण्ड रनरअप भए ।
यस गायन रियालिटी शोको निर्णायकमा हिमेश रेशमिया, विशाद ददलानी र नेहा कक्कड रहेका थिए । शोको फिनाले सञ्चालन भने आदित्य नारायण झा र कमेडीयन भारती सिंहले गरेका थिए । यो भागमा ‘इण्डियाज बेस्ट डान्सर’का निर्णायक गीता कपूर, टेरेन्स लुईस र सोनाली बेन्द्रे पुगेका थिए ।
