एजेन्सी– जाडोमा न्यानो रहन धेरैजसो मानिसहरु रुममा होस या कार्यलयमा हिटरको प्रयोग गर्छन् । तर लामो समय सम्म हिटरको प्रयोग गर्नु स्वास्थ्यको लागि खतरनाक रहेको छ ।
हिटरको प्रयोगले छाला सुख्खा हुनका सार्थै एलर्जीका लक्षणहरूलाई बढाउन सक्छ। रुममा हिटर अन गरेर सुत्दा कार्बन मोनोअक्साइडको स्तर समेत बढ्न सक्ने भएकोले स्वास्थयको लागि हिटरको प्रयोग गर्नु घातक मानिन्छ ।
कोठामा हीटरको प्रयोग गर्नाले यी तीन स्वास्थ्य जोखिमहरूसँग आउन सक्छ ।
१. यसले हावामा आर्द्रता घटाउँछ
आर्द्रता वायुमण्डलमा पाइने पानी वाष्पको मात्रा हो। जाडो मौसम यसै पनि सुख्खा हुने भएकोले कोठामा धेरै लामो समयसम्म हीटर प्रयोग गर्नाले हावामा रहेको आर्द्रता घटाउन सक्छ, जसले आँखा, छालालाई सुक्खा बनाउनका सार्थै चिलाउने, पोल्ने जस्ता समस्या निमत्याउछँ । यदि संवेदनशील छाला छ भने, हिटरको प्रयोगले एर्लजी समेत हुने गर्छ ।
२. हिटरले हावालाई विषाक्त बनाउन सक्छ
केही बिक्रीका लागि राखिएको रुम हीटरका मोडलहरूले कार्बन मोनोअक्साइड फाल्ने गर्छ। हावा ओहोरदोहोर हुन रोकी झ्याल–ढोका बन्द गरी कोठाभित्र हिटर बाल्दा स्वास्थ्यमा प्रतिकुल असर गर्छ । यसले श्वासप्रश्वाससम्बन्धी समस्याहरू जस्तै दम, एलर्जी र अन्य गम्भीर रोगहरू निम्त्याउने गर्छ ।
३. तापक्रम परिवर्तनले समस्या निम्त्याउन सक्छ
चिसो मौसममा हिटरको न्यानोमा बस्दा शरिरलाई छुटै आन्नद हुने गर्छ तर रुम बाहिर निस्कन साथ शरिरलाई चिसो महसुस हुर्ने गर्छ जसले गर्दा शरीर को तापक्रमममा परिवर्तन आउछ । शरिरमा हुने यस परिवर्तनले पाचन प्रणालीलाई कमजोर बनाउने गर्छ ।
प्रकाशित मिति: सोमबार, मंसिर १९, २०७९ १५:५१
