काठमाडाैं - मंसिर ४ गते सम्पन्न प्रतिनिधिसभा र प्रदेशसभाको निर्वाचन हुनु करिब चार महिना अगाडि मात्र स्थापना भएको राष्ट्रिय स्वतन्त्र पार्टी (रास्वपा) यतिखेर चर्चामा रहेको छ । पुराना राजनीतिक दलहरुलाई पाखा लगाउँदै राष्ट्रिय स्वतन्त्र पार्टीले प्रत्यक्षतर्फ काठमाडौंमा चार, चितवनमा दुई र ललितपुरमा एक क्षेत्रमा जित हासिल गरिसकेको छ ।
अहिलेसम्मको मत परिणामलाई हेर्ने हो भने थप एक स्थानमा रास्वपाले अग्रता लिइरहेको देखिन्छ । देशभरि रास्वपाको चर्चा बहस चलिरहँदा कसैले ध्यान पुर्याउन नसकेको एउटा महत्वपूर्ण पाटो भने स्वतन्त्र पार्टीको निर्वाचन चिह्न घण्टी, पार्टीको झण्डाको रङ र संकेत चिह्न तारालाई हेर्ने हो भने कतै यो पार्टी अमेरिकन फ्रिडम पार्टीको नेपालस्थित शाखा कार्यालय त होइन भन्ने आशंका पैदा गराएको छ ।
झट्ट हेर्दा पार्टीको नामदेखि रुपरेखा सबै उस्तैमात्र होइन विचार पनि उस्तैउस्तै देखिएको छ । रास्वपा स्थापना भइरहँदा धेरैले आरोप पनि लगाउँदै आइरहेका थिए, कतै युरोपियन युनियनको सहयोगमा सञ्चालित पार्टी त होइन ? किनकि, उक्त पार्टीको झण्डा र युरोपियन युनियनको झण्डा उस्तै देखिन्थ्यो । तर, अध्ययन गर्दै जाँदा रविले नेतृत्व गरिरहेको रास्वपा र अमेरिकन फ्रिडम पार्टीका अधिकांश कुरा एउटै देखिएको छ । यसले रास्वपा कतै अमेरिका वा अमेरिकन फ्रिडम पार्टीको लगानीमा सञ्चालित त छैन ? भन्ने आशंका पैदा गराएको छ ।
हुन त रास्वपाका अध्यक्ष रवि लामिछाने लामो समय अमेरिका बसेका व्यक्ति मात्र नभएर नेपाली नागरिकता त्यागेका व्यक्ति पनि हुन् । उनी नेपालमा आएर सञ्चारकर्मी बनिरहँदा अर्का पत्रकार किशोर श्रेष्ठसँगको आन्तरिक लडाइँका कारण लामिछानेले अमेरिकाको ग्रिन कार्ड त्यागेको घोषणा गरेका थिए ।
तर, उनले नेपालको नागरिक बन्नका लागि र नागरिकता प्राप्तिका लागि कुनै पनि प्रयास भने गरेका थिएनन् । अहिले उनको पुरानो नागरिकतालाई मान्ने कि नमान्ने भन्ने बहस पनि हुन थालेको छ ।यद्यपि, निर्वाचन आयोगले पुरानै नागरिकताका आधारमा उम्मेदवार स्वीकृत गरिसकेपछि त्यसलाई चर्चामा ल्याउनु पुराना पार्टीहरुको हारको असन्तुष्टि पोख्ने एउटा बाटोमात्र हो भन्दा फरक नपर्ला ।
तर, यहाँ उठेको महत्वपूर्ण कुरा के हो भने रवि लामिछानेको पार्टी र अमेरिकन फ्रिडम पार्टीको सम्बन्ध के हो ? भन्ने प्रश्न उठ्न थालेको छ । अमेरिकन फ्रिडम पार्टीले पनि आफ्नो चिह्न घण्टी र निलो आधारमा सेतो तारा अंकित गरी स्वतन्त्रता, सार्वभौमसत्ता र पहिचानको विषयलाई अघि सारेको छ भने राष्ट्रिय स्वतन्त्र पार्टीको पनि करिब करिब उस्तै छ (अमेरिकन फ्रिडम पार्टी र राष्ट्रिय स्वतन्त्र पार्टीको लोगो हेर्नुस्) । यसले के संकेत गरिरहेको छ भने रविले नेतृत्व गरिरहेको रास्वपा र अमेरिकन फ्रिडम पार्टीबीच कुनै न कुनै सम्बन्ध छ ।
हुन पनि झट्ट हेर्दा पार्टीको नामदेखि रुपरेखा सबै उस्तैमात्र होइन विचार पनि उस्तैउस्तै देखिएको छ । रास्वपा स्थापना भइरहँदा धेरैले आरोप पनि लगाउँदै आइरहेका थिए, कतै युरोपियन युनियनको सहयोगमा सञ्चालित पार्टी त होइन ? किनकि, उक्त पार्टीको झण्डा र युरोपियन युनियनको झण्डा उस्तै देखिन्थ्यो ।
तर, अध्ययन गर्दै जाँदा रविले नेतृत्व गरिरहेको रास्वपा र अमेरिकन फ्रिडम पार्टीका अधिकांश कुरा एउटै देखिएको छ ।यसले रास्वपा कतै अमेरिका वा अमेरिकन फ्रिडम पार्टीको लगानीमा सञ्चालित त छैन ? भन्ने आशंका पैदा गराएको छ । तर, धेरै यस विषयमा अध्ययन नगरेका कारण पनि यस विषयमा चर्चा हुन नसकेको हो ।
रवि लामिछानेको यो पार्टीसँग निकट सम्बन्ध नेपाली कांग्रेसका महामन्त्री एवं क्षेत्र नं. ४ बाट निर्वाचित गगन थापा, झापाबाट निर्वाचित विश्वप्रकाश शर्मा भण्डारीलाई नेपालस्थित अमेरिकन दूतावासले गराएको आरोप पनि लागेको छ । सोही कारण क्षेत्र नं. ४ मा रास्वपाका तर्फबाट उम्मेदवारी नै फिर्ता लिन लगाइएकोसमेत स्रोतको दाबी छ ।
अमेरिकन फ्रिडम पार्टी र राष्ट्रिय स्वतन्त्र पार्टीको हरेक कुरा मिल्नु कुनै संयोगमात्र हो वा लामो समय अमेरिका बसेर आएका रवि उता बस्दा सोही पार्टी निकट व्यक्तिहरुसँग नजिक थिए र नेपालमा उस्तै नाम, पार्टीका झण्डा, चुनाव चिह्न लिएर राष्ट्रिय राजनीतिमा आए भन्ने कुरा सायद निर्वाचनपछि लामिछानेले प्रस्ट पार्नुपर्छ ।
