ककनी -ककनी गाउँपालिकाले नवौं अधिवेशन सम्पन्न गरेकाे छ । समृद्ध ककनीको आधार, कृषि, पर्यटन र दिगो पूर्वाधार ११ भन्ने मुल नाराका साथ ककनी गाउँपालिकाले आफ्नो नवौं अधिवेशन सम्पन्न गरेको हाे ।
स्काउटको सभाहलमा सम्पन्न उक्त सभाको उद्घाटन संघीय सांसद हितबहादुर तामाङले गरेका हुन् । पालिका उपाध्यक्ष मिठुमाया तामाङले स्वागत गरेकी सभाको उद्घाटन सत्रमा बागमती प्रदेशको उपसभामुख राधिका तामाङले पर्यटकीय हिसाबले समग्र नुवाकोटको पहिचान स्थापित गरेको ककनीको समृद्धमा विकासको स्वरुप आउने बताइन् ।
व्यापक पर्यटकीय उद्देश्यसाथ फोकस गर्दै नीति तथा कार्यक्रम पालिकाको विकासमा स्पष्ट ऐना हुने उपसभामुख तामाङको ठम्याइ रहेको छ । उपसभामुख तामाङले पालिका समृद्धि बनाउन जनप्रतिनिधि र कर्मचारी सशक्त एक भएर लाग्नलाई पनि आग्रह गरिन्।
प्रमुख अतिथि तामाङले विकासको गति अघि बढाउने क्रममा सबैको आकांक्षा बढ्नु स्वभाविक हो । तर एकैपटक पूरा हुन सकिदैन । त्यसको लागि योजनाबद्ध अगाडि बढाउनुपर्ने उनले बताए । उनले भने ,' संविधानले निर्दिष्ट गरेअनुसार सबैको आस्था र विकास मागलाई पुँजीकृत गरेर काम देखाउनुपर्ने पालिकाको दायित्व हो ।'
कृषि क्रान्ति गर्ने हुँदा न्यून लगानीमा उन्नत उत्पादन गरी आयमा वृद्धि गर्नुपर्ने उनले बताए । आयमा प्रतिस्थापन गरी उत्पादनमा वृद्धि गरेर मात्रै समृद्ध समाजवाद ल्याउन सकिने उल्लेख गरेका छन् ।
पालिका अध्यक्ष सुमन तामाङ 'सज्जन'ले नीति तथा कार्यक्रम चुस्त र दुरुस्त पार्दै नारामा भनेझैं समृद्ध विकास गर्ने प्रतिबद्धता व्यक्त गर्दै उद्घाटन सत्र समापन गरेका हुन् ।
पालिकाको नीति तथा कार्यक्रम :
-1755862759.jpeg)
