बारा - विशेष सूचनाका आधारमा परिचालित सशस्त्र प्रहरी बल, नेपाल इन्टेलिजेन्स ब्यूरोको टोलीले बाराबाट दुई थान हतियार र गोलीसहित एक जनालाई नियन्त्रणमा लिएको छ।
२०८३ साल असोज १२ गते प्राप्त विशेष सूचनाका आधारमा सशस्त्र प्रहरी बल, नेपाल इन्टेलिजेन्स ब्यूरोबाट खटिएको टोलीले बारा जिल्लाको सिम्रौनगढ नगरपालिका–२, अमृतगञ्ज टोल बस्ने एक व्यक्तिलाई नियन्त्रणमा लिएको हो।
सशस्त्र प्रहरीका अनुसार ती व्यक्तिलाई सिम्रौनगढ–कलैया नहर रोडबाट नियन्त्रणमा लिइएको थियो। उनको साथबाट २ थान हतियार, ५ राउण्ड गोली र १ थान मोबाइल फोन बरामद गरिएको छ।
विशेष सूचनाका आधारमा निगरानी तथा चेकजाँचका क्रममा उनलाई नियन्त्रणमा लिएर बरामद सामग्रीसमेत सुरक्षित रूपमा नियन्त्रणमा लिइएको सशस्त्र प्रहरीले जनाएको छ।
पक्राउ परेका व्यक्तिलाई बरामद हतियार, गोली तथा मोबाइलसहित आवश्यक अनुसन्धान र कानुनी कारबाहीका लागि सम्बन्धित निकायमा बुझाइएको जनाइएको छ।
घटनामा बरामद भएका हतियार तथा गोली कहाँबाट ल्याइएको, कसरी प्रयोग गर्ने उद्देश्य थियो भन्ने लगायतका विषयमा सम्बन्धित निकायले थप अनुसन्धान गर्ने जनाएको छ।
सशस्त्र प्रहरी बलले सीमा सुरक्षा, अवैध हातहतियार तथा अन्य आपराधिक गतिविधि नियन्त्रणका लागि सूचना संकलन तथा निगरानीलाई निरन्तरता दिइरहेको जनाएको छ।
![सिण्डिकेटधारीविरुद्ध व्यवसायीको आक्रोशः २५ व्यवसायीको तस्बिरमा जुत्ता प्रहार [भिडियो]](https://www.prabhabonline.com/uploads/posts/200X200/jutta-prahar-bairo-1789318338.jpg)