काठमाडाैं - नेपाल पत्रकार महासंघ काठमाडौं शाखाले काठमाडौं जिल्लाका ११ वटै पालिकामा पुगेर आगामी आर्थिक वर्ष २०८२/०८३ को नीति, कार्यक्रम तथा बजेटमा सञ्चार तथा पत्रकारिता क्षेत्रको सरोकारलाई समेट्न आग्रह गर्दै सात बुदे ध्यानाकर्षण पत्र बुझाएको छ।
पत्रकार महासंघ काठमाडौं जिल्ला शाखा अध्यक्ष शाेभा अर्याल नेतृत्वमा बैशाख २५ गते नार्गाजुन नगरपालिकाबाट सुरु भएको "मिडिया बचाउ अअभियान" जेठ ६ गते काठमाडौं महानगरपालिका उप प्रमुख सुनिता डगाेललाई ध्यानाकर्षण पत्र बुझाए पछि समापन भएको छ।
पत्रकारको हकहित ,मिडियाकाे संरक्षण र पालिकाहरु मिडिया र पत्रकार प्रति उत्तरदायी हुनुपर्छ भनेर पत्रकार महासंघ काठमाडौं शाखाले चालेको याे अभियान फलदायी र सम्पुर्ण मिडियाको पक्षमा रहेको देखिन्छ । खासगरी ऐतिहासिक महत्त्व बाेकेका प्रीन्ट मिडियाहरुकाे अबस्था दिनानुदिन नाजुक हुदै गएको अबस्थामा काठमाडौं शाखाले यस्ता मिडियालाई संरक्षण र प्रबर्द्धनका लागि चालेको याे कदमले यस्ता साना तथा स्वराेजगार मुखि मिडिया सञ्चालक रहेका सदस्यहरुलाई उत्साह पनि थप गरेको देखिन्छ ।
पत्रकार महासंघ काठमाडौं जिल्ला शाखा साना लगानीका स्वराेजगार मुलुक छापा माध्यमहरुकाे बाहुल्यता भएको शाखा पनि हाे।खास गरि प्रीन्ट मिडियाका एजेन्डा तय गर्ने कुरामा काठमाडौं शाखाको ठुलो भुमिका रहदै आएको छ।पत्रकार महासंघ काठमाडौं जिल्ला शाखा साना लगानीका स्वराेजगार मुलुक छापा माध्यमहरुकाे बाहुल्यता भएको शाखा पनि हाे।खास गरि प्रीन्ट मिडियाका एजेन्डा तय गर्ने कुरामा काठमाडौं शाखाको ठुलो भुमिका रहदै आएको छ।
के छन् ७ बुदामा ?
पत्रकार महासंघ काठमाडौं शाखाले पालिकाहरुमा पेश गरेको ७बुदामा
१.काठमाडौं शाखामा देशकै सबै भन्दा धेरै स्वरोजगारमूलक मिडिया आवद्ध रहेकाले यिनीहरुको संरक्षण र विकासका लागि विशेष योजना तथा नीति बनाउन माग गर्दछौं ।
२) मिडिया विकासका लागि लोककल्याणकारी विज्ञापन तथा फेलोसिपको व्यवस्था गर्न माग गर्दछौं ।
३) साप्ताहिक, पाक्षिक, मासिक र मध्यम खालका छापा माध्यमकाे ऐतिहासिक महत्त्व र ति माध्यमहरुले खेलेको भुमिका मनन् गर्दै यस्ता छापा माध्यमकाे संरक्षण र प्रबर्द्धनका लागि नगरपालिकाले बिशेष याेजना ल्याउन आग्रह शाखाले गरेकाेछ। साथै न्यु मिडियाकाे विकास र संरक्षणकाे पहलकदमी लिन आग्रह ।
४) पत्रकारहरुको सिप तथा क्षमता विकासका लागि तालिम, गोष्ठी, सेमिनारको लागि कम्तीमा वार्षिक १० लाख बजेटको व्यवस्था गर्न माग गर्दछौं ।
५) लोककल्याणकारी विज्ञापन तथा अन्य सूचना सन्देश विभिन्न भाषाभाषि, महिला, दलित, आदिवासी तथा जनजातिहरु प्रकाशक तथा सम्पादक रहेका मिडियालाई प्राथमिकता दिई समावेशी ढंगले वितरण गर्न माग गर्दछौं ।
६) स्थानीय तहबाट निर्माण गर्ने मिडिया नीति तथा ऐन कानुन मिडियामैत्री र संविधानको भावना अनुरुप हुने गरी निर्माण गर्न माग गर्दछौं ।
७) यस नगरपालिकाका कार्यक्रममा पत्रकार महासघ काठमाडौं जिल्ला शाखा संग आपसी सहकार्य गर्न आग्रह गर्दछौं ।
-1752335779.jpg)
