वासिङ्टन- अमेरिकी सङ्घीय कामदारहरूले आफ्नो कामको औचित्य पुष्टि गर्ने वा आफ्नो रोजगारी गुमाउने ‘अर्को मौका’ पाएको अमेरिकी सरकारी दक्षता विभाग (डिपार्टमेन्ट अफ गभर्नमेन्ट) का प्रमुख एलन मस्कले बताएका छन् ।
विश्वका सबैभन्दा धनी व्यक्ति तथा राष्ट्रपति डोनाल्ड ट्रम्पका सबैभन्दा ठूलो दाता मस्कले सुरुमा सङ्घीय सरकारका कर्मचारीलाई इमेलमार्फत आफ्नो कामको उपलब्धिबारे बताउन सोमबार अन्तिमसम्म समय दिएका थिए ।
यो मागले मस्कको सरकारी कर्मचारीविरुद्ध नवीनतम चुनौतीको प्रतिनिधित्व गर्दछ । उनको सरकारी दक्षता विभाग (डीओजीई) सङ्घीय कर्मचारी र खर्चलाई घटाउने लक्ष्यसहित गठन भएको हो । “राष्ट्रपतिको विवेकको अधीनमा रहेर उनीहरूलाई अर्को मौका दिइनेछ,” मस्कले सोमबार साँझ एक्समा भने ।
उनले भने, “दोस्रो पटक जवाफ दिन असफल भएमा कर्मचारीले अवकाश रोजेको बुझिनेछ र उनीहरूलाई नयाँ समयसीमा प्रदान नगरीकन जिम्मेवारीबाट हटाइनेछ।” ट्रम्पका वफादारहरूको नेतृत्वमा रहेका केही अमेरिकी सङ्घीय एजेन्सीहरूले कर्मचारीहरूलाई इमेललाई बेवास्ता गर्न भनेपछि यो समयसीमा आएको हो ।
पहिलेदेखि नै चिन्तित कार्यबलबीच निर्देशन पालना गर्ने वा नगर्ने दोधारको अवस्था रहेको छ । मस्कले आफ्नो मूल इमेल अनुरोधलाई उद्धृत गर्दै भने, “निर्देशन एकदम सामान्य थियो तैपनि धेरै जना त्यही सामान्य परीक्षणमा पनि असफल भए, जसलाई केही अवस्थामा उनीहरूका प्रबन्धकहरूले आग्रह गरे।”
प्रविधि उद्यमीद्वारा सञ्चालित एक विस्तृत निकाय डीओजीईले आफ्नो लागत कटौती अभियानको लागि अदालतका निर्णय र सांसदहरूको केही दबाबलगायत धेरै मोर्चाहरूमा बढ्दो प्रतिरोधको सामना गरेको छ । बीस लाखभन्दा बढी सङ्घीय कर्मचारीहरूले शनिबार अमेरिकी सरकारको मानव संसाधन विभागबाट एक इमेल प्राप्त गरेका थिए । विभागले उनीहरूलाई सोमबार राति ११ः५९ सम्म कर्मचारीले गत हप्ता सम्पादन गरेका कामलाई प्रमुख पाँच बुँदामा पेश गर्न समय दिएको थियो ।
‘सबै सङ्घीय कर्मचारी’ले इमेल प्राप्त गर्ने र जवाफ दिन असफल भएमा राजीनामाको रुपमा लिइने मस्कको पोस्टपछि उक्त सन्देश आएको हो । यो चृतावनीलाई के बनाउने भन्नेबारे भ्रम फैलिँदै जाँदा ट्रम्पले मस्कको शनिबारको सन्देशको बचाउ गर्दै यसलाई ‘सामान्य’ भन्दै ‘यसले मानिसहरूले काम गरिरहेका छन् कि छैनन्’ भन्ने कुरा उजागर गर्नेछ।
ट्रम्पले भन्नुभयो, “यदि मानिसहरूले प्रतिक्रिया दिएनन् भने कर्मचारी काममा उपस्थित छैन र दरबन्दी मात्र छ र यसलाई देखाएर भ्रष्टाचार भइरहेको छ वा उनीहरूले काम गरिरहेका छैनन् भन्ने बुझिनेछ ।”ट्रम्पले आफ्नो विचारको थप व्याख्या नगरी भने, “गैर–उत्तरदायीहरू बर्खास्त हुनेछन् वा बर्खास्तका लागि छानिनेछन् ।
मस्कले सोमबार भनेका थिए “शनिबारको इमेल मूलतः कर्मचारीको नाडी छ कि छैन र इमेलको जवाफ दिन सक्षम छ कि छैन भनेर जाँच गरिएको थियो।” “यो गडबडी यसै हप्ता सुल्झिनेछ। असभ्य जागृति र वास्तविकताको बलियो खुराकको लागि धेरै मानिसहरूले अझै बर्खास्ती हुनुपर्ने छैन तर उनीहरू कुनै दिन बर्खास्त हुनुपर्नेछ,” उनले एक्समा थपे ।
