- कांग्रेसबाट बादशाह कुर्मी लुम्बिनीको मन्त्री बन्दा अधिकारकर्मी रुबी खान नेतृत्वको टोली धर्नामा
- बादशाहमाथि निर्मला कुर्मीको अपहरण गरेर बेपत्ता गरेको आरोप
- बादशाहलाई मन्त्री बनाएपछि खान नेतृत्वको बसाइ सडकमा
काठमाडौं– सिमसिम पानी पर्दैछ । सेतोप्लाष्टिक ओढेर लस्करै बसेकी छिन्, महिलाहरू । यो बिहीबार काठमाडौंकोमाइतीघरमा देखिएको दृष्य हो । अधिकारकर्मी रुबी खान नेतृत्वमा नेपालगञ्जको परस्पुरदेखि आएका महिलाहरू निर्मला कुर्मीलाई न्याय माग्दै लगातार धर्नामा छिन् ।
बर्खायाम भएको हुनाले दिनहुँ पानी परिरहेको छ । तैपनि खान नेतृत्वको टोली पानीले भिजे पनि न्यायका लागि सङ्घर्ष गरिरहेको छ । उनीहरू गत ११ असारमा तत्कालीन गृहमन्त्री रवि लामिछानेसगँ नयाँ सहमति गरी १८ दिने धर्ना र अनशन तोडेर घर फर्केका थिए । तर, त्यो सहमति डेढ महिना पनि टिकेन । लुम्बिनी प्रदेशमा कांग्रेसले निर्मलाको अहपरण र बेपत्ता पार्ने प्रकरणका आरोपी बादशाह कुर्मीलाई मन्त्री बनायो ।
यसपछि साउने झरीमा सरकारविरुद्ध धर्ना बस्न उनीहरू माइतीघर मण्डलामा आइपुगेका छन् । पूर्ववत् सहमति कार्यान्वयनमा सरकारले बेवास्ता गरेको पनि उनीहरूको आरोप छ । ‘निर्मला कुर्मी अपहरण, शरीर बन्धक तथा कर्तव्य ज्यानसम्बन्धी जाहेरीसँग सम्बन्धित अनुसन्धान शीघ्र निरूपण गर्न प्रहरी प्रधान कार्यालयमार्फत बाँके जिल्ला प्रहरी कार्यालयमा लेखी पठाउने’, यही सहमति कार्यान्वयन नभएको र सरकारले बेवास्ता गरेको अधिकारकर्मी रुबीले बताइन् । बरु, निर्मला बेपत्ता काण्डका मुख्य आरोपी बादशाहलाई मन्त्री बनाएर पुरस्कृत गरेको भन्दै खान नेतृत्वको टोली आन्दोलित भएको हो ।
कांग्रेसले सांसद कुर्मीलाई मन्त्री बनाउने निर्णय गरेसँगै रुबि खान मात्र होइन, राष्ट्रिय मानवअधिकार आयोग र अधिकारकर्मीहरूले विरोध जनाएका थिए । तर, कुनै सुनुवाइ भएन । गम्भीर फौजदारी अपराधको आरोप लागेका कुर्मी मन्त्री नियुक्त भएपछि खान र सो घटनामा जाहेरी दिएका महिलाहरू आन्दोलनमा उत्रिएका हुन् ।
स्थानीयस्तरमा गरिएका प्रदेश सरकार र सम्बद्ध दलहरूले बेवास्ता गर पछि उनीहरू २५ साउनदेखि माइतीघर मण्डलामा धना दिइरहेका छन् । ‘सरकारले हामीसँग अपराधकाे यथाशीघ्र सीआइबीबाट अनसन्धान गराएर मुद्दा अघि बढाउन सहमति गरेका छन् । तर, चार वर्षसम्म उल्लेख्य प्रगति हुन सकेन ।
छरछिमेकी स्थानीय महिलाले निर्मलाको पक्षमा आन्दोलन चर्काउन थालेपछि स्थानीय प्रशासनले काठमाडौंमा रहेका तत्कालीन संविधानसभा सदस्य कुर्मीलाई बाँकेमा बोलायो र लालपुर्जा फिर्ता गर्न लगायो । निर्मला कुर्मी जीवित छँदै बादशाहले कुटपिट गरेको र सम्पत्ति हडप्न खोजेको उजुरीसमेत विभिन्न निकायमा दिएकी थिइन् ।
