काठमाडौं - भगवति पाण्डेको विरोधमा तामाङ सोसाइटी न्यु साउथ वेल्स, अष्ट्रेलियाले एक विज्ञप्ति जारी गरी महावाणिज्य दूतलाई बुझाएका छन् ।
भगवती पाण्डे नामक अभिवक्ताले तामाङ लगायत केही समुदायको विवाहबारे भ्रम फैलाउने गलत अभिव्यक्ति दिइएको र प्रसारण ग रिएकोमा गम्भीर ध्यान आकर्षण भएकोमा तामाङ सोसाइटी न्यु साउथ वेल्स, अष्ट्रेलियाले एक विज्ञप्ति जारी गरी महावाणिज्य दूतलाई बुझाएका हुन् ।
कुनै गहन अध्ययन बिना र भ्रम फैलाउने गलत अभिव्यक्ति दिइएको र प्रसारण ग रिएकोमा गम्भीर ध्यान आकर्षण भएकोमा जुलाई २७, २०२३ मा प्रेसविज्ञप्ति प्रकाशित गरेको तामाङ सोसाइटी न्यु साउथ वेल्सले अन्तर्राष्ट्रिय आदिवासी दिवसको अवसरमा आयोजित कार्यक्रममा अन्तर्राष्ट्रिय आदिवासी दिवस नेपाल आदिवासी जनजाति महासङ्घ (निम्फा )अस्ट्रेलियामार्फत विभिन्न संस्थासँग मिलेर सिड्नीमा रहेका महावाणिज्य दूत दीपक खडकामार्फत घटनाको विरोधमा नेपाल सरकारलाई ज्ञापन पत्र बुझाएको हाे ।
ज्ञापन पत्रमा विषय-समुदाय सम्बन्धी पूर्ण जानकारी नराखी यसरी समुदाय बारे नै गलत सन्देश जाने र समुदायको भावनालाई मर्माहत तुल्याउने खालको अभिव्यक्ति दिएकोमा कारबाही गर्नु पर्ने र घटना पछि आवाज उठाउँदा गरिएको प्रहरी दमन र धरपकडको विरोध गर्दै दोषी उपर कारबाही गर्ने ध्यानाकर्षण गरिएको सोसाइटीका नवनिर्वाचित अध्यक्ष विशाल तामाङले बताएका छन् ।
सिड्नीमा विश्व आदिवासी दिवस पिटर शम अवस्थित हलमा विभिन्न सांस्कृतिक तथा मनोरञ्जनात्मक र विभिन्न समुदायको समुपस्थितता सम्पन्न गरिएको छ। विभिन्न जातजाति जस्तै मगर, गुरुङ तामाङ, शेर्पा, थारु लगायतका पोसाकहरूले भेसभुसा प्रदर्शनी समेत गरिएको थियो । ज्ञापन पत्र पाठ गर्दा उपस्थित समुदायले ताली बजाएर समर्थन गरेका थिए भने ज्ञापन पत्र बुझे पछि यसलाई सम्बन्धित ठाउँमा पुय्याई दिने प्रतिबद्धता महावाणिज्यदूत दीपक खडकाले गरेका थिए।
