बेलायत- २८६१ औं डुक ल्हो (सर्प वर्ष)सोनाम ल्होछार कार्यक्रम बेलायतमा हुने भएको छ । बेलायतमा रहेको ५ वटा तामाङ संस्थाहरु तामाङ समाज युके, तामाङ घेदुङ युके, म्हेन्दोमाया परिवार युके, ल्हा म्हेन्दोमाया तामाङ समाज युके, रेप केन्ट ह्युल्ब युकेको संयुक्त आयोजनाम जनवरी २५ अर्थात माघ १२ गते सोनाम ल्होछार कार्यक्रम गर्न लागिएको हो ।
५ वटा संस्थाहरुको आज बेलायतको अण्डरसटमा बसेको संयुक्त बैठकबाट बेलायतको ह्यारो लेसुर सेन्टरमा (Harrow Leisure Center) मा भब्य कार्यक्रम गर्ने निर्णय गरिएको तामाङ समाज युकेका अध्यक्ष कुमार स्याङ्तान तामाङले जानकारी दिए । बेलायतबाट विश्वभरी छरिएर बसेको तामाङहरु माझ एकताको सन्देश दिन यो संयुक्त कार्यक्रमको सन्देश दिने अध्यक्ष तामाङले बताए ।
ल्होछार हिमाली क्षेत्रमा बसोबास गर्ने तामाङ, ह्योल्मो तथा अन्य मुख्य जातिहरूको साझा साँस्कृतिक पर्व हो । यो चाड पुरानो वर्षको बाह्रौ महिनाको पहिलो दिन अनौपचारिक रूपमा मनाइन्छ । सोनाम ल्होछार किसानहरूले बालिनाली उठाएपछि मनाइने चाड हो । औपचारिक रूपमा मनाइने सोनाम ल्होछार नयाँ वर्षको आरम्भको रूपमा मनाउने पर्व हो । ल्होछार मनाउने समुदायले 'ल्हो' अर्थात वर्ष बाह्रवटा भएको विश्वास गर्छन् । बाह्र वर्षको नाम पशुपंछी र जीवजन्तुका नामबाट राखिएको हुन्छ । जस्तै: मुसा, गाई, बाघ, बिरालो, गरुड, सर्प, घोडा, भेडा, बाँदर, चरा, कुकुर, सुँगुर वर्ष । यी बाह्र वर्गलाई यो समुदायले बाह्र राशिको रूपमा पनि लिने गरेको पाइन्छ । बाह्र वर्ष समाप्त भए पछि फेरि उही नाम दोहोर्याएर वर्ष गनिन्छ ।
-1752335779.jpg)
