मुगु - मुगुको हवाई यातायात सञ्चालन हुने रारा विमानस्थल ताल्चले सेवा सुविधासँगै विपत्ति पनि निम्त्याएको छ । पिच भएसँगै रारा विमानस्थल ताल्चले यति बेला मानविय तथा प्राकृतिक विपत्ति निम्त्याएको हो ।
रारा विमानस्थल ताल्चा पिच भएसंगै पानीको नहर बुका खोला,लेत्याखोला बुद्या खोलामा मिसाईएकाले विमानस्थलमुनिका छायाँनाथ रारा नगरपालिका वडा नं ४ का दर्जनौ बस्ती पहिरोको उच्च जोखिममा छन् ।
२०७२ सालमा ५ सय ७० मिटर लम्बाइ र २० मिटर चौडाइ रारा विमानस्थल पिच भएको थियाे । विमानस्थल नजिकबाट बग्ने नहरहरु बुका खोला, लेत्याखोला बुद्या खोलामा मिसाईएकाले त्यहाँकाे पानीले विमानस्थल मुनिका बस्ती पहिराेकाे उच्च जोखिममा रहेका छन् ।
यी खोलामा आउने बाढी पहिरोले सयौँ बिगा जमिन कटान गरेको र धेरैका घर बगाएको छ । पानी नै नआउने खोलामा हिजो आज पानी खलखल बगेको देखिन्छ । खोलामा पानी मात्रै होईन अहिलेको अवस्थामा बाढी नै आउँने पानीको बाहव हुन्छ । बाढीसँगै आउने पहिरोको त्रासका कारण बाढीको डरले खोला आसपासका स्थानीय रातभर जाग्रम बस्न बाध्य भएकाे स्थानीय बताएका छन् ।
विमानस्थलबाट बग्ने पानीले खोला आसपासमा प्रतिवर्ष यसरी नै खेती योग्य जमिन कटान गर्दै जाने हो भने विमानस्थलको भविष्य पनि संकटमा पर्ने देखिन्छ । अहिले पनि विमानस्थलको उत्तरतिर जमिन भाँसिएको छ ।यसरी विमानस्थलमुनि पहिरो जादै गर्ने हो भने विमानस्थल मात्र संकटमा पर्ने हाेइन तर शिरमा रहेको राराताल पनि संकटमा पर्ने स्थानीयको भनाई छ ।
रारा विमानस्थलबाट निस्कीएको मुख्य पानी बग्ने बुकाखोला किनाराका बस्तीहरु बस्ती पाटपटेनी, मुश्याचौर, माथिल्लो कालपाल्त, तल्लो कालापाल्त, कोष, दोवाट, कालाजुर लेत्याखोला किनारका बस्तीहरु, ढुमालेख, डाँडाजिउला, टहधारा र बुद्याखोला किनारका बस्तीहरु गिमखोला जुक्याना गाउँ खत्याडीकोट, गमगाढाको पावर हाउस लगायतका क्षेत्रहरु पहिरोको उच्च जोखिममा रहेका छन् ।
विमानस्थल पिच भएको र त्यहाँ बाट बग्ने नहर बुकाखोलमा मिसाईएका छन भने अन्य लेत्याखोला, बुद्याखोलामा त्यसको विभिन्न क्षेत्रबाट बग्ने पानिका कारण विमानस्थल मुनिका दजनौ बस्ती पहिरोको जोखिमा परेका छन भने गमगढी बालै राताचौर हुर्दै पिना जोड्ने सडकपनि जोखिममा छ । यो सडक हुदै छायाँनाथ रारा नगरपालिका वडा नं ४,६,७,८ का बिद्यार्थी,स्थानीय सदरमुकाम गमगढी आउन यो सडक हुर्दै आउछन् । जोखिममोलेर सदरमुकाम जानुपरेको स्थानीयबासीको भनाई छ ।
लगातार आएको अबिरल वर्षाले खोलामै आएको बाढिकै कारण सोक्षेत्रका विभिन्न क्षेत्रहरुमा जमिन भासिदाँ सो क्षेत्रका स्थानिय बासिन्दा रातभर जाग्रम बस्नु परेकाे छायाँनाथ रारा नगरपालिका ४ का स्थानीय जङ्ख बहादुर भामले बताए । उनी भन्छन्,'पानीसँगै आउने बाढीले ताल्चा बिमानस्थल तलका बस्तीमा ९ वर्ष देखि दिनप्रतिदिन यस्तो समस्या थपिदै गएको छ । तर स्थानीय चिन्तित हुने सरोकारवाला निकायले वास्ता नगर्ने गरेका कारण समस्या थपिए ।'
विमानस्थलको पानीले गर्दा बुका खोलाले सयौ बिगाह जमिन पनि कटान् गरेको छ । खेतीयोग्य जमिन बालिनालि बगाएको छ । खोलाको आसपासका वस्ति जोखिममा परेका भएपनि यस प्रति कसैले ध्यान नदिएकाले समस्या वर्षेनि समस्या बल्लझिदै गएको छायाँनाथ रारा नगरपालीका वडा नं ४ का वडा अध्यक्ष लक्ष्मी प्रसाद भामले बताए ।
उनी भन्छन् ,'खोलाले खेतियोग्य जमिन पनी वर्षेनी यसरी नै कटान गर्ने हो भने दजनौ बस्ती पनि नरहने र वस्ती सार्नुको विकल्प छैन' । लगातार आएको अबिरल वर्षासँगै खोलामा आएको बाढिकै कारण सो क्षेत्रका स्थानिय बासिन्दा रातभर जाग्रम बस्नु परेको गुनासा, ताल्चा विमानस्थलले निम्त्याएको विपित्तीका बारेमा समस्या समाधान गर्न सम्बन्धित सरोकारवाला निकाया लाई मंगलबार वडाको तर्फ बाट ध्यानाकर्षण पत्र बुझाएका छाैँ , ' अध्यक्ष भामले भने ।
मानविय तथा प्राकृतिक विपत्ती ठुलो छ । स्थानीय सरकारले समस्या समधान गर्न नसक्ने देखिएकाले संघिय सरकार प्रदेश सरकारको आवश्यकता अपरिहार्य देखिएकाले समस्या समधानका लागि सस्कतिक पर्यटन तथा नागरिक उड्यन मन्त्रालय,वन तथा वातावरण मन्त्रालय,उद्योग,पर्यटन,वन तथा वातावरण मन्त्रालय कर्णाली प्रदेश सुर्खेत,लाई ध्यानाकर्षण गराउदै रारा नागरिक उड्यन कार्यालय ताल्चा र जिल्ला प्रशासन कार्यालय मार्फत ध्यानाकषर्ण गराईएको अध्यक्ष भामले बताए ।
