काठमाडौं - नेपाली फिल्म ‘एक भगवत गीता’ विवादस्पद भएपछि नाम परिवर्तन भएकाे छ । फिल्म ‘एक भगवत गीता’ शीर्षक परिवर्तन गर्ने सहमतिसँगै ‘एक भगवत् गीता’ लाई लिएर भइरहेको विवाद टुंगिएको हो।
‘एक भागवत र एक गीता’ राख्ने सहमतिमा भइरहेको विवाद टुंगिएको हो। सहमति अनुसार अब फिल्मको नाम ‘एक भागवत् र एक गीता (सामाजिक कथा) तय भएको छ।धार्मिक संस्थाको निवेदनपछि बोर्डले छलफलबाट विवाद मिलाउने भन्दै सेन्सर सिफरिस रोकेको थियो।
विश्व हिन्दू महासङ्घ, शिव सेना नेपाल, विश्व हिन्दू युवा सङ्घ, जगतगुरु आश्रमलगायत १३ संस्था आबद्ध हिन्दू जागरण नेपालले चलचित्र ‘एक भगवत् गीता’को शीर्षक र पात्रले सनातन धर्ममाथि चोट पुर्याएको भन्दै प्रदर्शन रोक्न माग गरी चलचित्र विकास बोर्डमा निवेदन दिएका थिए। फिल्म भदौ २९ गते प्रदर्शनको तयारीमा रहेको छ।
