काठमाडौं – सञ्चारकर्मीहरुलाई आदिवासी जनजाति पहिचान गराएर सधँै मूलप्रवाहमा आदिवासीका संवेदनशिलताका साथ जानकारी वा सम्प्रेषण गराउनका लागि दुई दिने आदिवासी जनजाति सञ्चारकर्मीहरुको विषयगत क्षमता अभिवृद्धि कार्यक्रम सम्पन्न भएको छ । आदिवासी जनजाति बिट लिएर मूलधारमा कार्यरत सञ्चारकर्मीहरुलाई लक्षित गरी राष्ट्रिय आदिवासी जनजाति अपांग महिला संघ नेपालको आयोजनामा इन्डिजिनियस टेलिभिजन र आइटिभि नेपालको प्रसारक संस्था इन्डिजिनियस मिडिया फाउन्डेशनको सहकार्यमा सो कार्यक्रम काठमाडौंको पेन्सन भासना होटलमा सम्पन्न गरेको हो ।
उक्त कार्यक्रममा उद्घाटन सत्रमा कार्यक्रमको अध्यक्षतामा राष्ट्रिय आदिवासी जनजाति अपांग महिला संघ नेपालका अध्यक्ष प्रतिमा गुरुङ, ,प्रमुख अतिथिमा सांसद राम बहादुर थापामगर, अतिथिहरुमा राष्ट्रिय आदिवासी जनजाति महिला महासंघका अध्यक्ष ङिमी शेर्पा ,इन्डिजिनियस मिडिया फाउन्डेशनका अध्यक्ष देव कुमार सुनुवार , सञ्चारिका समूह नेपालका अध्यक्ष विमला तुम्खेवा उपस्थित रहेका थिए ।
नेपालको विभिन्न क्षेत्रमा रहेर आदिवासीहरुको विषयहरुमा समाचार सम्प्रेषण गर्दा उनीहरुको अवस्था, साँस्कृतिक विविधता र उनीहरुको भूमि भूभाग र भूक्षेत्रमा गरिएका परम्परागत अभ्यास, ज्ञानलाई सत्य र संवेदनशील तरिकाले चित्रण गर्न दुई दिने कार्यक्रम गरेको हो ।
यस प्रकारको कार्यक्रमबाट आदिवासीहरको पहिचान गर्ने, उनीहरुका विषयवस्तुहरुलाई परिचय गराउने कार्य गर्न सक्ने अपेक्षा गरिएको छ । त्रिविका उपप्राध्यापक एवम् राष्ट्रिय आदिवासी जनजाति अपांग महिला संघका अध्यक्ष प्रतिमा गुरङले बताइन् ।
आदिवासी जनजाति पत्रकारिताको अभ्यास र चुनौतिहरका विषयमा इन्डिजिनियस मिडिया फाउन्डेशनका अध्यक्ष देव कुमार सुनुवारले प्रशिक्षण दिए । त्रिविका उपप्राध्यापक एवम् राष्ट्रिय आदिवासी जनजाति अपांग महिला संघका अध्यक्ष प्रतिमा गुरङले सामाजिक विविधता र आदिवासी जनजाति तथा न्युन प्रतिनिधि भएका समुदायको अधिकारहर र पहिचानका बारेमा प्रष्टाइन् । जलवायु परिवर्तनको परिभाषा, यसका न्युनिकरण तथा अनुकुलनको अभ्यास, जलवायु न्याय, आदिवासी महिला, युवा तथा अपांगता भएकाहरको अधिकार हनन्विरद्धमा मिडियाको भूमिकाको बारेमा अदिवासी विज्ञ डा. श्रीकुमार महर्जनले बताए ।
दोस्रो दिनमा मिडियामा अपांगताको सवालहरको प्रस्तुति मानध अधिकारमूखी ढाँचा र भाषागत शिष्टाचारका बारेमा कृष्ण गहतराजल प्रशिक्षण दिए । भूमि, भूभाग र भूक्षेत्र तथा प्राकृतिक स्रोतसँग आदिवासीको सम्बन्ध महिला, युवा तथा अपाँगता भएका आदिवासीको आत्मनिर्णयका अधिकार तथा स्वशासनमा मिडियाको भूमिकाका बारेमा लाहुरनिपका अधिवक्ता भिम राईल प्रशिक्षण दिए । परम्परागत प्रथाजनित संस्था र प्रथाजन्य कानुन र प्रथाजनित न्यायप्रणालीको समाचार रिपोर्टिडका बारेमा भुवन केसीले प्रशिक्षण दिए ।
यसपछि इन्डिजिनियस कम्युनिटि रेडियो नेटवर्क आयोजनामा आदिवासी सामुदायिक रेडियो नेटवर्कका अध्यक्ष जगतमान लामाले सञ्चारमा आदिवासी जनजातिका नीति र प्रस्तावित सञ्चार विधेयकसम्बन्धी अन्तरक्रियात्मक कार्यक्रमका विषयमा अतिथिहर प्रतिनिधि सभा र राष्ट्रिय सभामा प्रतिनिधित्व गर्ने सांसदहरसँग थिए । कार्यक्रममा अतिथिहरु नेकपा माओवादी केन्द्रका राष्ट्रिय सभाका सांसद सुरेश आले मगर, नेपाली काँग्रेसबाट प्रतिनिधि सभाका सांसद सुशिला थिङ , राष्टिय आदिवासी जनजाति महिला मन्चका अध्यक्ष ङिमी शेर्पा,चेपाङ समूदायका अध्यक्ष गोविन्द चेपाङ उपस्थित रहेका थिए । अतिथिहरले आदिवासी पत्रकारिताबारे सम्बोधन र सहभागीहरसँग अन्तरक्रिया गरेका थिए ।
