सिन्धुपाल्चोक - सिन्धुपाल्चोक जिल्लाको भोटेकोशी नदीमा ‘२२ औँ हिमालयन ह्वाइट वाटर च्यालेन्ज’ सम्पन्न भएको छ । नेपालको जलयात्रा व्यवसायलाई अन्तर्राष्ट्रिय स्तरमा प्रवर्द्धन गर्ने उद्देश्यका साथ नेपाल एसोसिएसन अफ र्याफ्टिङ एजेन्सिज (नारा)ले नेपाल पर्यटन बोर्ड र संस्कृतिक पर्यटन तथा सहकारी मन्त्रालयको सहकार्यमा असार १० र ११ गते भोटेकोशी नदीमा राष्ट्रिय स्तरको ‘२२ औँ हिमालयन ह्वाइट वाटर च्यालेन्ज’मा सम्पन्न भएको छ ।
राष्ट्रिय स्तरको प्रतिस्पर्धात्मक साहसिक जलयात्रा प्रतियोगितामा र्याफ्टिङ र काएकिङ प्रतिस्पर्धा भएको थियो । नाै किलाेमिटर लामो दुरी रहेको साहसिक जल पर्यटन खेलमा र्याफ्टिङ पुरूषको १३ टिम र महिलाको एक टिम गरी १४ टिम रहेको थियो भने कायाकिङमा २५ पुरूष र २ महिला गरी २७ जनाको सहभागिता रहेको थियो ।
र्याफ्टिङ प्रतियोगितामा २९ मिनेट ५१ सेकेन्डमा दुरी पार गरी पहिलो स्थान स्थानिय भोटेकोशी एडभेन्चर क्लबले लिन सफल भएको छ ।३१ मिनेट ७ सेकेन्डमा दुरी पार गरी द्वितीय स्थानमा स्थानिय र्याफ्टिङ स्टार हुन सफल भएको छ। यसैगरी ३१ मिनेट ३४ सेकेन्डमा दुरी पार गरी तृतीय स्थान त्रिभुवन आर्मी क्लब ए ले लिन सफल भएको छ।
विजयी हुने प्रथम ,भोटेकोशी एडभेन्चर क्लबले ४० हजार रुपैयाँ, दोस्रो हुने र्याफ्टिङ स्टारले २० हजार रुपैयाँ र तृतीय स्थान प्राप्त गर्ने त्रिभुवन आर्मी क्लब लाई १० हजार रुपैयाँका साथै विजेता खेलाडीहरूले मेडल र प्रमाण पत्र पाएका छन् ।
कायाकिङ खेलतर्फ २७ सहभागीलाई पछाडि पार्दै सुरेन्द्र माझीले ३० मिनेट ५१ सेकेन्ड दुरी पार गरी प्रथम स्थान हासिल गरी २० हजार रुपैयाँ नगद जित्न सफल भएका छन् , ।कृष्ण खड्काले ३० मिनेट ५४ सेकेन्डमा सो दुरी पार गरेर दोस्रो भई १० हजार रुपैयाँ जितेका छन् । विजय माझीले ३१ मिनेट ०३ सेकेन्डमा सो दुरी पार गरेर तृतीय भई ५ हजार रुपैयाँ नगद जितेका छन् ।विजेताहरूलाई सिल्ड मेडल र नगद सहित प्रमाण पत्र प्रदान गरिएको थियो ।
कार्यक्रम समापनको अवसरमा बोल्दै नेपाल एकेडेमी अफ टुरिजम एण्ड होटल म्याजमेन्ट नाथमका विभागिय प्रमुख अजय ढकालले नेपालमा साहसिक पर्यटनको पर्याप्त सम्भावना रहेको उल्लेख गर्दै यस प्रकारका कार्यक्रमको आयोजनाले नेपालको साहसिक पर्यटन प्रर्वद्धनमा सहयोग पुग्ने बताए ।
नेपाल पर्यटन बोर्डका वरिष्ठ प्रबन्धक रोहिणी खलालले नेपालको समग्र पर्यटनमा जल पर्यटन एउटा महत्वपूणर् प्रडक्ट भएको उल्लेख गर्दै यस प्रकारका कार्यक्रमको प्रवद्र्धनमा नेपाल पर्यटन बोर्ड सधैं साथमा रहेर सहयोग गर्दै आईरहको बताए । यसै गरी नेपाल एशोसिसियसन अफ राफिटिङ एजेन्सिजका अध्यक्ष शिव अधिकारीले नेपालको जल पर्पटन प्रर्वद्धनका लागि नाराले विगत २२ वर्ष देखि यस प्रकारका प्रतियोगिता आयोजना गर्दै आईरहेको बताउँदै आउने वर्ष नाराको स्वर्ण महोत्सव भएकोले थप प्रभावकारी रुपमा कार्यक्रम आयोजना गरिने जानकारी दिए ।
कार्यक्रममा नेपाल उद्योग वाणिज्य महासंघका सदस्यद्वय नरेशलाल ,श्रेष्ठ, राजकुमार कार्की, राष्टिङ विज्ञ सुदीपराज गौतम,नाराका महासचिव नारायण श्रेष्ठ लगायतले नेपालको जल पर्यटन प्रर्वद्धन गर्न सके आन्तरिक तथा बाह्य पर्यटन प्रर्वद्धनमा सहयोग पुग्ने उल्लेख गर्दै सरोकारवाला निकायले यसमा ध्यान दिन आग्रह गरे । कार्यक्रममा पोखरा पर्यटा परिषद्, सोटो नेपाल, भिटोफ नेपाल लगायतका पर्यटनसंग सम्बन्धित संघसंस्थाका प्रमुख तथा प्रतिनिधी सहभागी रहेका थिए ।
