काठमाडौं– मानिसलाई प्रकृतिले दिएको सबैभन्दा सुन्दर उपहार हो फूल। वातावरणलाई सुन्दर बनाइराख्न फूलको महत्त्व हुन्छ। फूलले मानिसको जीवनमा आनन्द र सौन्दर्य ल्याउँदछ।
मौसमअनुसार फूल्ने प्रत्येक फूलको आफ्नै सुन्दरता र विशेषता हुन्छन्। फूलले हाम्रो समाज र परम्पराहरूमा सांस्कृतिक र प्रतीकात्मक महत्त्वसमेत राख्ने गर्दछ।
फूललाई विभिन्न अवसरहरू, जस्तै: विवाह, जन्मदिन र धार्मिक समारोहहरूमा प्रयोग गरिन्छ। फूल प्रायः प्रेम, सौन्दर्य, शुद्धता र भावनाहरूका प्रतीक हुन् । सामान्यतया भावनाहरू व्यक्त गर्न र उपहारको रूपमा आदानप्रदान गरिन्छ। फूल सुन्दरमात्र होइन, हाम्रो दैनिक जीवन र प्राकृतिक संसारमा पनि यसले ठूलो महत्त्व राख्दछ।
एक अध्ययनले देखाएअनुसार फूलले मानिसमा तनाव, चिन्ता र डिप्रेसन कम गर्न सक्छ। फूलको रङ र सुगन्धले हाम्रो मुड र भावनाहरूमा सुखद प्रभाव पार्ने गर्छ।
