काठमाडौं- नाडा अटोमोबाइल्स एसोसिएसन अफ नेपाल (नाडा)को २९ सदस्यीय नयाँ केन्द्रीय कार्यसमिति गठन भएको छ। अध्यक्ष सुरेन्द्रकुमार उप्रेती को अध्यक्षतामा बसेको दोस्रो केन्द्रीय कार्यसमिति बैठकले नयाँ कार्यसमिति गठनलाई पूर्णता दिएको हो।
नाडाको विधान २०७१ (संशोधन सहित)को दफा २०९७० बमोजिम गत पुस २५ गते काठमाडौंमा सम्पन्न निर्वाचनबाट केन्द्रीय सदस्यमा निर्वाचित सदस्यहरूबाट पदाधिकारी चयन गरी कार्यसमिति विस्तार गरिएको जनाइएको छ।
नयाँ कार्यसमितिमा अध्यक्षमा सुरेन्द्रकुमार उप्रेती, निवर्तमान अध्यक्षमा करणकुमार चौधरी, संस्थागत उपाध्यक्षमा भद्र भण्डारी र गणेशप्रसाद भट्टराई, उपाध्यक्षमा विक्रम सिंहानिया र अभिक ज्योति चयन भएका छन्। यसैगरी महासचिवमा मिलनबाबु मल्ल, सचिवमा मेघराथ पौड्याल, कोषाध्यक्षमा पंकज अग्रवाल र सह(कोषाध्यक्षमा निलमणि पाठक चयन भएका छन्।
प्रदेशतर्फका सदस्यहरूमा डिल्लीराम आचार्य, केदारकुमार अग्रवाल, दमोदर अटल, दिपेन्द्र कोइराला र पुष्कर ओझा रहेका छन्।साधारण सदस्यतर्फ अनुपकुमार बराल, तोयनाथ खनाल, दिपकराज गिरी, दिपेन्द्रकुमार मिश्र, दिवाकर मिश्र, नवराज भुसाल, नवीनकुमार पारख, नारायणप्रसाद पौडेल, प्रकाश कपुरि, विकास जोशी र विमल साह रहेका छन्।
अध्यक्षबाट मनोनित सदस्यहरूमा दिपककुमार अग्रवाल, महेश पाल र राजेशप्रसाद गिरी चयन भएका छन्। यसैबीच, अध्यक्ष उप्रेतीले नाडाका पूर्व अध्यक्षहरूको सम्मानमा एक विशेष भेटघाट तथा छलफल कार्यक्रमसमेत आयोजना गरेका छन्।
