काठमाडौं - कतारले संयुक्त अरब इमिरेट्स (यूएई)लाई २-१ हराउँदै फिफा विश्वकप २०२६ का लागि छनोट भएको छ। सन् २०२२ मा आयोजको हैसियतले विश्वकप खेलेको कतारले छनोटमा खेलेर पहिलोपटक विश्वकपमा स्थान बनाएको हो ।
दोस्रो हाफको ४९औं मिनेटमा बौआलेम खुकीले अकराम अफिफको फ्री किक हेड गर्दै गोल गरे। ७४औं मिनेटमा पेड्रो मिगेलले हेडर गोल गरेका थिए। इन्जुरी समयमा यूएईका सुल्तान आदिलले सान्त्वना गोल गरे ।
कतार ८७औँ मिनेटमा तारिक सलमानलाई रेड कार्ड देखाएपछि १० खेलाडीमा सीमित भयो। कतार एसियाली छनोटको समूह ए मा शीर्ष स्थानमा रहेको छ।
यूएई दोस्रो स्थानमा रहेर अर्को चरण र प्लेअफमा पुगेको छ। ओमान तेस्रो स्थानमा रहेर बाहिरिएको छ।
