काठमाडौं - हालको अस्थिर सामाजिक र राजनीतिक परिवेशका कारण काभा महिला नेसन्स लिग भलिबल स्थगित भएकाे छ ।
नेपालमा आगामी नोभेम्बर १५ देखि २२ (कात्तिक ३० देखि मंसिर ७) गतेसम्म हुने तालिका रहेको काभा महिला नेसन्स लिग भलिबल प्रतियोगिताअनिश्चितकालका लागि स्थगित भएको हाे ।
सेन्ट्रल एसियन भलिबल एसोसिएसन (काभा) को भर्चुअल बोर्ड बैठकले काठमाडौंको टुंडिखेलमा हुने भनिएको प्रतियोगिता स्थगित गर्ने निर्णय गरेको हो । काभाले नेपालमा उत्पन्न जटिल राजनीतिक परिस्थितिको समाधान चाँडै हुने अपेक्षा गर्दै सम्भव भएसम्म चाँडै प्रतियोगिता गर्ने आशा व्यक्त गरेको छ ।
नेपाल भलिबल संघ (एनभीए) ले पनि विज्ञप्ति जारी गर्दै अधिकांश राष्ट्रहरूले वर्तमान परिस्थितिमा टोली नेपाल पठाउन अस्वीकार गरेपछि प्रतियोगिता अन्तर्राष्ट्रिय प्रतियोगिता आयोजना चुनौतीपूर्ण बनेको उल्लेख गरेको छ ।
