काठमाडाैं - नेपालमा पहिलो पटक भएको राष्ट्रिय महिला फाइभ ए साईड इन्डोर हक्की प्रतियोगितामा नेपाल आर्मी क्वल प्रथम भएको छ । फाईनल प्रतिष्पर्दामा सुदुर पश्चिम प्रदेशलाई २–० गोल अन्तरले पराजित गरी नेपाल आर्मी प्रथम भएको हो ।
सेमिफाईनमा आर्मीले कोशी प्रदेशलाई ६—० र सुदुर पश्चिमले गण्डकीलाई २—१ गोल अन्तरले पराजित गरि फाईनल पुगेका थिए । नेपाल हक्की संघले आयोजना गरेको प्रतियोगिताको भक्तपुरको थिमी स्थित मिडभ्याली कलेजको हलमा एक कार्यक्रमवीच राष्ट्रिय खेलकुद परिषदका उपाध्यक्ष ध्रुब आचार्यले उद्घाटन गरेका हुन् ।
विजेता खेलाडी तथा टिमलाई सदस्य सचिव टंकलाल घिसिङले पुरस्कार प्रदान गरेका थिए । प्रथम हुने टिमले ५० हजार र द्धितीय हुने टिमले २५ हजार नगद पुरस्कार प्राप्त गरेका छन् । कार्यक्रममा परिषद् कार्यकारी समिति सदस्य तथा नेपाल हक्की संघकी महासचिव सुर्वण श्रेष्ठ तथा संघका अध्यक्ष अनिल शर्मा लगायतको सहभागिता थियो ।
प्रतियोगितामा सुदुर पश्चिम प्रदेशकी आशीका एस के वेष्ट स्कोरर , नेपाल आर्मीकी सरस्वती तामाङ प्लेयर अफ दि टुर्नामेन्ट, सुदुर पश्चिम प्रदेशकी पूर्णिमा नेगी बेष्ट डिफेन्डर, नेपाल आर्मीकी कुश्मा रानामगर बेष्ट गोल्डकिपर र बागमती प्रदेशकी सपना तामाङ उदयमान खेलाडी भएका छन् ।
